Zýhra, Zakro jáne Hasan perzenthanada qyryq kún jatyp, jaǵdaılary ońalǵan soń úılerine qaıtty. Ońtústiktegi bıylǵy úshem qańtardyń ortasynda dúnıege kelgen edi. Jeti aılyq shaqalaqtardyń salmaǵy 1,5 kılo bolǵandyqtan dárigerler baqylaýǵa alǵan bolatyn.
– О́kpesi durys damymaı týǵan nárestelerdiń úsheýi birdeı jasandy tynys alý apparatyna qosyldy. Jansaqtaý bóliminde jatqan úshemniń beti 5 kún degende beri qarap, qosymsha bir aı arnaıy kútim jasaıtyn bólimshede boldy. Osy aralyqta sábıdiń árqaısysy bir kılodaı salmaq qosty, – dedi oblystyq perınataldyq ortalyqtyń náresteler patologııasy jáne shala týǵan nárestelerdi kútim jáne syrqat bólimshesiniń meńgerýshisi Gúlnár Sapıeva.
Úshem jıyrma bir jastaǵy Gýzal Nýrmımınovanyń tuńǵyshtary. Jalpy, oblysta ortasha eseppen jylyna 7-8 úshem dúnıege keledi eken.
Baqtııar TAIJAN, «Egemen Qazaqstan»
Ońtústik Qazaqstan oblysy