Vyshegrad toby jáne Ortalyq Azııa formatyndaǵy syrtqy ister mınıstrleriniń alǵashqy keńesi Ortalyq Azııa – Ortalyq Eýropa ózara is-qımylyn jandandyrý máselelerine arnaldy.
Yntymaqtastyqtyń bul jańa formatynda majar úkimeti eýropalyq kontınent sheginen tys áriptes eldermen ózara is-qımyldy kúsheıtý mindetin alǵa qoıa otyryp, «Vyshegrad biriktiredi» («V4 Connects») uranymen ótetin Vyshegrad tobynda bastama jasady.
Qazaqstannyń Syrtqy ister mınıstri Qaırat Ábdirahmanov otyrysqa qatysýshylarǵa arnaǵan sózinde Vyshegrad tobynyń ıntegrasııalyq tájirıbesi qazirgi kezde serpin alǵan Ortalyq Azııadaǵy ózara qarym-qatynas úshin óte paıdaly ekenin atap ótti. Mınıstr Prezıdent N.Nazarbaevtyń Ortalyq Azııa elderin óńirdegi ózekti problemalardy sheshý úshin kúsh biriktirýge shaqyrǵan is-qımylyna áriptesteriniń nazaryn aýdardy.
Qazaqstan SIM basshysy Ortalyq Azııa men Vyshegrad tobynyń yqtımal ózara is-qımylynyń naqty salalaryn atady. Olardyń qataryna bilim berý men adamı kapıtal, sıfrlandyrý men ozyq tehnologııalardy paıdalaný, EKSPO-2017 halyqaralyq mamandandyrylǵan kórmesiniń alańynda qurylǵan «Astana» halyqaralyq qarjy ortalyǵy, «jasyl» tehnologııalardy damytý ortalyǵy men IT-startaptar parki sheńberindegi yntymaqtastyq kirdi.
Mınıstr «Vyshegrad toby» brendiniń tabysqa jetýdegi mańyzdy faktorynyń biri basqa memlekettermen jáne birlestiktermen dıalog júrgizý jáne yntymaqtastyq ornatýdaǵy ashyqtyq ekeni jóninde pikirin bildirdi.
Otyrysta qatysqan barlyq memleketterdiń ókilderi usynylǵan formattaǵy óńiraralyq ózara is-qımyl men qarqyndy dıalogty jalǵastyrýǵa erekshe múddelik bildirdi.
«Egemen-aqparat»