Bul týraly Túrki akademııasy halyqaralyq uıymynyń (TWESCO) basshysy Darhan Qydyráli búgin Astanadaǵy Ortalyq kommýnıkasııalar qyzmetinde ótken brıfıngte aıtty.
Belgili bolǵandaı, Túrki akademııasynyń bıylǵy negizgi baǵyttarynyń biri – Ortalyq Azııa memleketteri bolady.
Osy oraıda, Akademııanyń 2018 jylǵy josparlarynda О́zbekstanǵa arheologııalyq ekspedısııa uıymdastyrý bar. Sonymen qatar, TWESCO qazir О́zbekstan Ǵylym akademııasymen yntymaqtastyq memorandýmyn bekitýge kelissózder júrgizip jatyr. Aıta ketý kerek, Akademııa 2017 jyly ótkizgen II «Uly dala» gýmanıtarlyq ǵylymdar forýmyna alǵash ret О́zbekstannan aýqymdy delegasııa qatysqan bolatyn.
Jýrnalıstermen ótken jıynda sondaı-aq, kórshi qyrǵyzstandyq ǵalymdarmen kóptegen ortaq jobalar josparlanǵany belgili boldy. 2018 jyly adamzattyń Aıtmatovy atanǵan áıgili jazýshy Shyńǵys Aıtmatovtyń 90 jyldyǵy. Túrki akademııasy bul datany da keń kólemde, halyqaralyq is-sharalarmen atap ótetin bolady. Qazir jazýshynyń murasyna baılanysty qyrǵyz ǵalymdarmen birge daıyndalǵan eki tomdyq úlken monografııa baspaǵa ázir.
Sonymen qatar, bıyl qyrǵyz elimen birge ataqty manasshy Saǵymbaı Orazbaqovtyń 150 jyldyǵyna oraı birqatar halyqaralyq is-sharalar ótkizý josparlanǵan.
Munyń syrtynda TWESCO-nyń Túrikmenstan jáne Tájikstanmen ǵylymı ıntegrasııany arttyryp, birlesken jobalar júrgizýdi qolǵa alǵany týraly aıtyldy.