Janat Túsipbekov aldaǵy tórt jylǵa Qazaqstan Aýyr atletıka federasııasynyń prezıdenti bolyp qaıta saılandy, dep habarlaıdy «SPORTINFORM» SAA.
Astanadaǵy federasııa saılaý konferensııasynyń qatysýshylary Túsipbekovtyń qaıta saılanýyn biraýyzdan qoldaǵan.
AAF prezıdenti Janat Túsipbekov atap ótkendeı, ol antıdpıngtik saıasatty kúsheıtý jumystaryn jalǵastyrady jáne sportshylardy áleýmettik qoldaý sharalaryn júzege asyrady. Sondaı-aq, jergilikti aýyr atletıka federasııalaryn damytyp, ınvestısııa tartpaq.
«Halyqaralyq aýyr atletıka federasııasynyń prezıdenti, bas hatshy, bes qurlyqtyq federasııa prezıdentteri bir is-sharada bas qosýy óte sırek jaǵdaı. Bul -elimizdegi aýyr atletıka sporty salasyndaǵy Janat Túsipbekovtiń ornynyń qandaı ekenin bildiredi», - dedi AAF bas hatshysy Omar Mustafın.
Aıta keteıik, saılaýmen qatar IWF Interkontınentaldyq komıssııasynyń otyrysy da ótti.