Astanadaǵy «Nova City» turǵyn úı kesheninen órt shyqty, dep habarlady IIM TJ Komıtetiniń baspasóz qyzmeti.
«2 naýryz kúni saǵat 14:19-da «Nova City» turǵyn úı keshenindegi páterlerdiń biri órtenip jatqany týraly ortalyq órt qyzmetiniń pýnktine habarlama kelip tústi. Turǵyn úı kesheni E38, 30/1 kóshesinde ornalasqan. Oqıǵa ornyna 4 negizgi, 3 arnaıy órt kóligi jiberildi. О́rt sóndirý qyzmeti oqıǵa ornyna barǵanda turǵyn úı kesheniniń 7-qabatyndaǵy páterdiń órtenip jatqanyn anyqtady. О́rtten 5 adam qutqaryldy», - delingen habarlamada.
Vıdeoda eki balany tómengi qabattarǵa laqtyrǵany baıqalady. Oqıǵa kýágerleriniń aıtýynsha, túski astan kelgen qurylysshylar órtti kórip, parkıngtegi jarnama bannerlerin alǵan. Keıbiri adamdardy qutqarý úshin joǵary qabatqa ketken.