Senattyń Qarjy jáne bıýdjet komıtetiniń tóraǵasy Olga Perepechına TMD-ǵa qatysýshy memleketterdiń Parlamentaralyq Assambleıasy Baqylaý-bıýdjet komıssııasynyń otyrysyna qatysty, dep habarlaıdy Senattyń Baspasóz qyzmeti.
Sharaǵa qatysýshylar TMD PAA-nyń 2018 jylǵa naqtylanǵan jumys josparyn, Dostastyq aıasynda jasalǵan halyqaralyq sharttardyń ratıfıkasııalaný úderisteri týraly aqparatty, sondaı-aq komıssııanyń 2017 jylǵy jumysynyń qorytyndylary týraly esepti qarady. Otyrys barysynda birqatar uıymdastyrý máseleleri de qaraldy.
TMD PAA Mádenıet, aqparat, týrızm jáne sport jónindegi turaqty komıssııasynyń otyrysyna Qazaqstan Parlamentiniń joǵarǵy Palatasynan senator Erbolat Muqaev qatysty.
Otyrys barysynda komıssııa músheleri «Jeke málimetter týraly», «Balalar jáne jasóspirimder týrızmi týraly» úlgi zańdarynyń jańa mátinderiniń jobalaryn, «Transshekaralyq aqparat almasý barysynda elektrondyq sıpatta notarıaldyq is-qımyl jasaý týraly», «Áleýmettik týrızm týraly» úlgi zań jobalary jáne TMD-ǵa qatysýshy memleketterdiń Infokommýnıkasııalyq damýdyń aımaqtyq monıorıng quraldary men nátıjelerin paıdalaný jónindegi nusqaýlyǵyn, TMD-ǵa qatysýshy memleketterdiń týrızm salasyndaǵy iskerlik tájirıbesiniń erejelerin saqtaý jónindegi nusqaýlyǵyn jáne TMD-ǵa qatysýshy memleketterdiń sheteldik týrıster men tax-free júıesi boıynsha ýaqytsha kelýshiler úshin jeńildikti saýda tártipterin bekitý jónindegi nusqaýlyqty talqylady.
Otyrysqa qatysýshylardyń nazaryna «Sportta dopıng qoldanýǵa qarsy is-qımyl týraly» jáne «Mekteptegi sport týraly» úlgi zań jobalaryn ázirleý barysy týraly aqparat usynyldy. Komıssııa TMD-ǵa qatysýshy memleketterge arnalǵan Mádenıet týraly úlgi kodeksiniń jobasyn jáne TMD-ǵa qatysýshy memleketterdiń mádenı muralaryn saqtaý týraly konvensııa jobasyn tutastaı maquldady jáne TMD-ǵa qatysýshy memleketterdiń Parlamentaralyq Assambleıasynyń otyrysynyń kún tártibine usynyldy.
Komıssııa músheleri TMD PAA Mádenıet, aqparat, týrızm jáne sport jónindegi turaqty komıssııasynyń 2017 jylǵy jumysynyń qorytyndylary jáne TMD PAA komıssııasynyń bastamasy boıynsha qabyldanǵan úlgi zańnamalyq aktilerdi úılestirý barysy, Belarýs Respýblıkasy Ulttyq jınalysynyń zań shyǵarý qyzmeti týraly aqparattarmen tanysty.
Otyrysta sondaı-aq mádenıet jáne óner, baspasóz jáne aqparat, dene shynyqtyrý, sport jáne týrızm salasyndaǵy TMD PAA-nyń qurmet belgisimen marapattaýǵa usynýlar týraly másele qaraldy.