Parlamentshi paıymy: Ustazdar múddesin qorǵaý – ózekti másele

Qazir memleket muǵalimderdi jan-jaq­ty qoldaý sharalaryn júrgizý ústin­de. Elbasymyzdyń tapsyrmasyna sáı­kes Úkimet muǵalim mártebesin art­­tyrý maqsatymen bilim berýdiń ja­ńar­­tylǵan mazmunyna kóshken ustaz­dar­dyń laýazymdyq jalaqysyn 30 paıyzǵa kóbeıtý týraly jaqyn arada arnaıy qaýly shyǵardy. Solaı bolǵanymen qazaqstandyq ustazdar bilim salasyndaǵy sheneýnikterden, ata-analar men ózderi bilim nárimen sýsyndatyp, tárbıe berip júrgen oqýshylar tarapynan keıbir qysymshylyqtar kórip júrgenin aıtpaýǵa bolmaı otyr. Keıbir ata-analar tarapynan ustazdarǵa til tıgizý, tipti balalarynyń tárbıesizdigine kinálaý sııaqty áreketter jıi bolatynyn buqaralyq aqparat quraldarynan, áleýmettik jelilerden kórip júrmiz.

Ustaz degen mártebeli mamandyqtyń búgingi kúni qunsyzdanýy ókinishti-aq. Ata-analardyń balalarynyń kózinshe muǵalimderge dóreki sózder aıtýy – jas jetkinshektiń aldynda ustaz bedelin aırandaı tógedi. Muǵalim – qaýqarsyz, qu­qyǵy taptalǵan adamǵa aınalady. Qazirgi kezde dıktafon, fotoapparat, mobıl­di telefon qoldaný arqyly oqý­shy­lardyń muǵalimder bedelin túsirýi jıilep ketti.

Biz osyndaı jaǵdaılardy eskere otyryp, muǵalim mártebesin qorǵaý úshin Úki­met tarapynan tómendegideı keshendi is-shara­lar qolǵa alynýyn suradyq:

1. Qazirgi tańda reseılikter ustaz­dar­dyń qorǵalýyna kepildik beretin zań engizýdi talqylap, usynystar daıyn­daýda. Jobada pedagogıkalyq qyz­met­kerlerge qarsy jasalǵan zorlyq-zom­bylyq, sonymen qatar onyń ar-oj­dany­na tııý, bılik ókilderine jasalǵan zor­lyq-zombylyqpen para-par bolyp eseptelinsin delingen. Osy tájirıbe bizde de qoldanylsa.

2. Memlekettik organdarda vıdeokamerasy bar jáne ınternetke qosylǵan telefondardy paıdalanýǵa tyıym salynǵany belgili. Mektepterdiń de mem­lekettik mekeme ekendigin eskere oty­ryp, oqýshylarǵa, ata-analarǵa, muǵa­limderge oqý prosesi kezinde mektepte ınternet-modýlderi men foto-vıdeokameralary bar qurylǵylardy paıdalanýǵa shekteý qoısa.

3. Qazirgi kezde orta bilim berý meke­melerinde qyzmet etetin er-aza­mat­­tar­dyń úles salmaǵy nebári 18% bol­ǵan­dyqtan, oqýshy er balalarymyz qyz minezdi bolyp barady degen pikirler aıtylyp júr. Osyǵan oraı, JOO-daǵy arnaıy pedagogıkalyq mamandyqtarǵa er-azamattardyń qabyldanýyna arnaıy jeńildikter tetigi qarastyrylsa.

Ustazdardyń ar-ojdanyn qorǵaýǵa, bede­lin arttyrýǵa baǵyttalǵan osy ýáj­derdi eskerip, Úkimet keshendi sharalar qa­byl­daý úshin ýákiletti memleket­tik or­gan­darǵa tapsyrma beredi degen úmittemiz.

Dınar NО́KETAEVA, Senat depýtaty