«Astana» halyqaralyq qarjy ortalyǵy (budan ári – AHQO) men Dúnıejúzilik ıslam ekonomıkalyq forýmynyń qory (budan ári – DIEF) 2018 jylǵy 4 shilde kúni Astanada ótetin AHQO-nyń halyqaralyq tusaýkeseriniń sheńberinde XIV DIEF-ti ótkizý týraly Kelisimge qol qoıdy.
Dúnıejúzilik Islam Ekonomıkalyq Forýmyn 2006 jyly Malaızııa Úkimetiniń qoldaýymen DIEF Qory uıymdastyrǵan. DIEF ıslam jáne eýropalyq memleketterdiń iskerlik qoǵam ókilderi arasyndaǵy ekonomıkalyq yntymaqtastyqty damytý, sondaı-aq ıslam qarjylandyrý quraldaryn paıdalana otyryp, kásipkerlik pen ınvestısııalyq qyzmetterge qosymsha múmkindikterin berý máseleleri jóninde Islam Yntymaqtastyq Uıymyna (IYU) múshe memleketterdiń negizgi pikir almasý alańy bolyp tabylady.
Islamdyq qarjylandyrýdyń álemdik naryǵy 2 trln-ǵa jýyq AQSh dollaryn quraıdy. Islamdyq qarjy Qazaqstan Respýblıkasyna sheteldik ınvestısııalardyń áleýetti kózi jáne AHQO qyzmetiniń bes basymdyqtarynyń biri bolyp tabylady.
XIV DIEF-tiń Astanada ótkizilýi AHQO-nyń TMD, Batys jáne Ortalyq Azııa memleketteri úshin ıslamdyq qarjylandyrýdyń óńirlik haby retinde qalyptasýyna kómektesedi, sondaı-aq IYU elderiniń iskerlik ortasynyń arasynda AHQO-nyń qyzmeti týraly aqparattyń taralýyn qamtamasyz etedi.
Sharaǵa álemniń ár túkpirinen myńnan astam joǵary mártebeli qonaqtar qatysady dep kútilýde.