Reseıdiń Kemerov qalasyndaǵy saýda oıyn saýyq ortalyqtarynyń birindegi órtten qaza tapqandar sany 64 adamǵa jetti. Bul týraly Reseıdiń tótenshe jaǵdaılar mınıstri Vladımır Pýchkov málimdedi.
Kemerov oblysynyń gýbernatory Aman Týleev saýda ortalyǵynyń ıeler qaıtys bolǵan árbir otbasyǵa bir mıllıon rýblden bólýdi usyndy. Sondaı-aq, dál osy kólemde mert bolǵandardyń otbasyna oblystyq ákimshilik te qarjy bólmek.
Oqıǵa ornyndaǵy kýágerlerdiń biri órt bastalǵanda ǵımaratta dabyl júıesi iske qosylmaǵanyn málimdedi. "Dabyl turmaq eshnárse de istemedi. Shatyrdan sý tamshylaǵannyń saldarynan ishinde jaryq júıesi isten shyqqan deıdi. Bir apta jaryq bolmaǵan eken. Problemany sheshken sııaqty edi. Biraq nátıjesi ózderińiz kórgendeı boldy", dedi kýágerlerdiń biri.
Seısenbi kúnnen bastap óńirde úsh kúndik qaraly kún jarııalanbaq. Qaza bolǵan 64 adamnyń tek 15-iniń ǵana kim ekeni anyqtalǵan. Al alty adamnyń denesi úıindiniń astynda qalypty.