Zııatkerlik mektepterge Izraıl tehnologııalary engizile bastady

– Búginde elimiz úshin kásip­kerlik bilim óte mańyzdy. О́ıt­keni otandyq ekonomıka damý­dyń ınnovasııalyq úlgisine ótý­de. Bıznes orta básekelestik pen kásibılikke jańa talaptar qo­ıyp otyrǵandyqtan bilim tabı­ǵatyn qaıta qaraý, súzgiden ótkizý jumysy júrgizilýde. Biz balalardyń ózindik ıntel­lektýaldyq qabiletterin áleý­met­tik mańyzdy salalarda paı­da­lanyp, iske asyrýlaryna ba­­­rynsha kómek jasaımyz, – dedi «Nazarbaev zııatkerlik mek­­tepteri» derbes bilim berý uıy­mynyń tóraıymy Kúlásh Shám­shıdınova. 

Izraıldiń startap sala­syn­daǵy belgili sarapshysy­ Elena Donestiń aıtýynsha, bas­tapqy kásipkerlik ma­shyq­­­tardy oqytý kýrsy qa­zaq­­­standyq oqýshylarǵa arnaıy beıimdelip ázirlengen, is­­­kerlik turǵydan oılanýǵa jáne bıznes quraldaryn ıe­le­nýge baǵyttalǵan. Kýrs aıaq­talǵannan keıin balalar ven­chýrlik qor men akselerator, qa­zirgi startap úlgisi men ınnovasııalar ekojúıesi qalaı júrgiziletininen habardar bolady. Eń bastysy, olar ózderiniń bıznes-josparlaryn jasaýǵa jáne ony ilgeriletýge úırenedi. Tel-Avıv ýnıversıtetiniń kásipkerlik ortalyǵy ázirlegen barlyq ádisteme zııatkerlik mektepterge beriledi. «Zııatkerlik mektepterdiń oqýshylary ınno­vasııalyq bıznes-kýrsqa daıyn. Joǵary synyp mektebiniń oqý josparyna «Ekonomıka», «Ja­handyq keleshekter men jobalyq jumys», «Qazirgi zamandaǵy Qazaqstan» syndy pánder, sondaı-aq tańdamaly kýrs retinde dızaın-oılaý sa­baǵy engizilgen. Biz búginde álem­dik standart bolyp tabylatyn ızraıldik tehnologııa­lar boıynsha ınnovasııalar eko­júıesin qalyptastyrýǵa múd­delimiz», dedi derbes bilim berý uıymy tóraıymynyń orynbasary Svetlana Ispý­sıno­va. 

Astanada mektep muǵalimde­ri men joǵary synyp oqýshyla­rynyń qatysýymen jobany is­ke asyrý bastalyp ketti. Ná­tı­je­sinde, tyńdarmandar ýa­qyt óte kele ózderi trener bol­­­­­maq. «Momentýmnyń» erek­she­ligi oqýshylar jaıly ortadan shyǵyp, kásipkerlik bazany ǵana emes, tabysqa jetý jolyn­da qajetti ómirlik qun­dylyqtardy da jetildiretin bolady. Jobanyń arqasynda ále­mniń ár elinen kelgen kóp­tegen jastar kásipkerlikpen aı­nalysýǵa múmkindik alady.­ Izraıldik baǵdarlamany oqy­­­týdyń alǵashqy jylynda ýnı­­­versıtetter men jekelegen jergilikti toptardy qosa eseptegende, barlyǵy 400 adam oqýdan ótken eken. 

Astana qalasy fızıka-matematıka baǵytyndaǵy mektepte ıntensıvti kýrsty aıaqtaǵannan keıin oqýshylar ózderiniń úı­retýshileri men qonaqtarǵa arnalǵan ózindik jobalaryn usy­ndy. Taım-menedjment, bilim berý platformalary, den­saýlyqqa paıdaly as ishý, jetkinshekterge arnalǵan taýarlar men qazirgi jastardy mazalaıtyn basqa da problemalar keleshek mıllıonerler startabynyń ózegine aınaldy. Bul jobalar óziniń ja­ńashyldyǵymen jáne synı tá­silimen erekshelenedi.

«Izraılde dástúrli ekono­mıka men kásipkerlikti balalar mektep qabyrǵasynan bastap úı­renedi, tıisinshe balalarda sátti jobalardy ıgerýge ba­ǵyttalǵan iskerlik-oılaý júıesi men maqsat qalyptasady. As­tanalyq «Momentým» qa­ty­sýshylarynyń alǵashqy ju­mysynyń ózi qazaqstandyq oqý­shylardyń orasan zor áleýeti bar ekendigin kórsetedi», deıdi Elena Dones.

Elena Izraılde úlken su­ra­nysqa ıe trener retinde ǵa­na emes, sonymen qatar je­misti ınnovasııalyq startap­tardy qurýshy retinde de bel­gili. Elenanyń qazirgi eń­ tabysty jobasy – Tel-Avıv ýnıversıtetindegi ká­sip­kerlik ortalyǵynyń qyz­met etýi, kóptegen eldermen áriptestik jasaýy deýge bo­la­dy. Qazaqstanda Tel-Avıv ýnıversıteti men ERG (Eý­razııalyq top) «Stýdentter kásip­kerliginiń ekojúıesi» ata­latyn birneshe baǵytta ká­sipkerlikti damytý jobalaryn júzege asyrýda. 

Dýman ANASh, «Egemen Qazaqstan»