Teatr týraly jınaq jaryq kórdi

Kitap­tardyń mazmunymen tanystyrýǵa arnalǵan  dóńgelek ústel basynda ónertaný ǵylymdarynyń kandıdaty Amangeldi Muqan jańa jınaqtardyń erek­sheligi men ǵylymı salmaǵyna toqtaldy. Kitaptardyń bári de Bilim jáne ǵylym mınıstrliginiń arnaıy bólgen granttarynyń qarjysyna shaǵyn baspa tabaqpen shyǵarylǵan.

«Iskýsstvo kazahov v aspekte obshetıýrkskıh kýltýrnyh tradısıı» atty ujymdyq monografııada qazaq­tardyń beıneleý óneri, mýzyka, teatr­ ónerinde kórkem beıneler men sımvoldardyń daralyǵy men ám­bebaptyq dástúr jalǵastyǵy, kór­­kemónerdegi jalpytúrkilik or­taq áleminiń kórkem kelbeti, bir­ligi men ózindik erekshelikteri aı­qyndalady. A.Muqannyń jaýapty redaktorlyǵymen jaryq kórgen «Qa­zaq sahnasynyń sheberleri: Shy­ǵarmashylyq portretter» jınaǵynda qazaq mádenıetiniń mańyzdy sala­sy teatr jáne kıno ónerindegi tanymal tulǵalardyń óneri jan-jaq­ty zerdelenip, olardyń otandyq máde­nıettegi alatyn orny,  ózindik sýret­kerlik ereksheligi ashyp kórsetiledi. Kórermenniń kóńilin jaýlaǵan talantty akterler men rejısserlerdiń shyǵarmashylyǵyn dáriptep, urpaq jadynda saqtaýǵa yqpal etý – ki­tap­tyń basty maqsaty. 

Al «HHI ǵa­syrdaǵy qazaq teatry: dástúr jáne ın­novasııa» atty kitapta Qazaqstan teatrlaryndaǵy júzege asyp jatqan ınnovasııalyq jobalar, sahna óne­riniń búgingi kelbetin ashatyn stı­lıstıkalyq damý baǵyt-baǵdary men erekshelikteri, jetistikterin álemdik órkenıetke janasatyn kórkemdik kelbeti qa­ras­tyralady. Qurastyrýshy A.Mu­qannyń aıtýynsha, sah­nadaǵy ár­ spektakl – ınnovasııa. Re­jısser men dramatýrgtyń ónerde jasaǵan jańa­shyldyǵy, eńbegi. Táýel­siz Qa­zaq­stannyń teatr sahnalarynda sony álemdik ozyq tájirıbeni en­gizgen sahnalyq qoıylymdary, kó­rermenniń kóńilinen shyqqan drama, qýyr­shaq, opera jáne balet ónerindegi ın­novasııalyq izdenister saraptalady.

О́nertaný kandıdaty Anar Erke­baıdyń jetekshiligimen shyqqan «Múm­­kindigi shekteýli jandar shyǵar­mashylyǵyndaǵy ónerdiń róli men orny» monografııasy Qazaqstan óne­rindegi múmkindigi shekteýli aza­mattardyń shyǵarmashylyǵyna ar­nal­ǵan. Munda avtorlar arbada otyryp shyǵarmashylyqpen aınalysqan azamattardyń ónerge ákelgen jańa­lyqtary, jetistikteri, ózindik ózekti máselelerine nazar aýdartady. Besin­shi jınaq – «Qazaqstannyń zamanaýı­ teatr úderisindegi festıvaldiń ha­­lyq­aralyq baılanys retindegi ró­li» atty ǵalymdar eńbegi qazaq teat­ryn shetelderge tanytatyn, sahna óneriniń damýyna erekshe úles qosatyn halyq­aralyq, respýblıkalyq deń­geıdegi teatr festıvaldarynyń tarıhy men qalyptasýyn, basty ba­ǵyttary men izdenis joldaryn, baǵ­dary men te­a­tr ónerin damytýǵa tıgizetin áserin aıqyndaýǵa arnalǵan. 

Dóńgelek ústeldegi áńgimege bel­gili óner zertteýshileri, teatr synshylary, jas ǵalymdar qatysyp, jańa jınaqtar týraly paıymdaryn bildirdi.

Aıgúl AHANBAIQYZY, «Egemen Qazaqstan»

ALMATY