Búgin Astana qalasynyń ákimi Áset Isekeshevtiń tóraǵalyǵymen ótken apparattyq keńeste adamdar kóptep jınalatyn oryndarda órt qaýipsizdigin qamtamasyz etý máselesi qaraldy. Bul týraly astana.gov.kz habarlady.
TJD-niń bastyǵy Barat Duzaqbaev júzege asyrylyp jatqan qosymsha qaýipsizdik sharalary, sondaı-aq, SOSO men adamdar kóptep jınalatyn basqa da oryndarda órt qaýipsizdigin qamtamasyz etý týraly baıandady.
Onyń málimetine súıensek, mundaı tekseristerdidepartament saýda nysandary men oıyn-saýyq keshenderinde jyl saıyn ótkizedi. Olardyń jalpy aýdany 1500 sharshy metrden asady. Departamenttiń esebinde 117 saýda nysany bar. Olardyń 83-i – saýda úıleri, 9-y – SOSO, 25-i – bazar.
Duzaqbaevtyń aıtýyna qaraǵanda, Tótenshe jaǵdaılar qyzmetiniń aýdany 1,5 myń sharshy metrden kem bolatyn nysandardy tekserýge quqyǵy joq. Mamandar turǵyndar tarapynan resmı shaǵymdar túsken jaǵdaıda ǵana tekseris jumystaryn júrgizedi.
2017 jyly erekshe tártipte 71 tekseris jumysy júrgizildi. Olardyń nátıjesinde 45 saýda nysanynda órt qaýipsizdigi talaptaryn buzý oqıǵalary anyqtaldy. 45 adam ákimshilik jaýapkershilikke tartylyp, olarǵa jalpy somasy 2 mln teńgeden asatyn aıyppul salyndy.
TJD bastyǵynyń aıtýynsha, jospardan tys tekseristerge jeke jáne zańdy tulǵalardyń, memlekettik organdardyń túsirgen shaǵymdary negiz bola alady. Shaǵymda adam ómiri men densaýlyǵyna, qorshaǵan ortaǵa, jeke jáne zańdy tulǵalardyń, memlekettiń jeke kásipkerliktiń naqty sýbektilerine qatystyzańdy múddelerine qaýip tóndirer, zııan keltirer naqty faktiler men jaǵdaılar kórsetilýi tıis.
Astanada jospardan tys tekseris 105 saýda nysany men 228 bilim berý nysanynda júrgizilmek.
Tekseris jumystary osy aptada bastalady.
«Búgingi tańda tekseris jumystaryn ótkizý jónindegi bastamamen TJD-ne «Azııa park» jáne «Han shatyr» SOSO-nyń jetekshiligi aryz túsirdi. Sonymen qatar, qala prokýratýrasynyń tapsyrmasy boıynsha tekseris jumystary «Astanalyq» (Artem) bazarynda júrgiziledi. Atalmysh nysan zańdy tulǵanyń shaǵyn kásipkerlik sýbektisi retinde qaıta tirkelýine baılanysty (Kodeks tekseristen 3 jylǵa bosatýdy qarastyrady) 2015 jyldan beri tekseristen ótpegen», - dedi Barat Duzaqbaev.
Astana ákimi nysandardyń ıeleri men jetekshilerin tekseristi kútpesten, qajetti qaýipsizdik sharalarynyń barlyǵyn qabyldap, óz ǵımarattaryndaǵy órt qaýipsizdigi erejeleriniń saqtalýyn tekserýdi, tótenshe jaǵdaı kezinde adamdardy qaýipsiz jerge kóshirý jáne basqa da áreketterdi pysyqtaý maqsatynda qyzmetkerlerdiń jattyǵýlar men nusqaýlyqtardy ótkizýin júktedi.
Sondaı-aq, ákim tekseriske ushyramaıtyn jalpy aýdany 1500 sharshy metrden kem bolatyn nysandardyń jetekshilerine (balalar dámhanasy, oıyn oryndary men túngi klýbtar) adamdardyń ómirin qaýipsizdikpen qamtý maqsatynda qosymsha sharalardy qabyldaýdy ótindi.
«Sizdiń nysandaryńyzdyń aýmaǵynda balalar bolǵanda, esikter qashanda ashyq turýy tıis. Qosymsha shyǵý esikterin qajetsiz zattarmen bekitpeý kerek, olardyń janynda janǵysh jáne tez tutanǵysh zattardy qoımaý kerek. Budan bólek, qaýipsiz jerge kóshirý joldaryn órt qaýipsizdigi talaptaryna sáıkes keltirip, órt sóndirý tehnıkasynyń ǵımarat aýmaǵyna kedergisiz kirý múmkindigin qamtamasyz etý qajet», - dedi Áset Isekeshev.
Ákim, sondaı-aq, elordada SOSO-yndaǵy barlyq kınozaldar men oıyn alańdary sońǵy qabattarda ornalasqandyǵyn tilge tıek etti. Olardyń ishki logıstıkasy óte kúrdeli. Áset Isekeshev jaıbaraqat jaǵdaıda da ol jerlerde shyǵatyn esikti tabý, shynymen de, qıynǵa soǵatynyn aıtty. Al órt kezinde adamdardyń boıyn úreı jaýlap alǵanda, jaǵdaı odan da órshı túsedi.
«Oıyn-saýyq alańdaryn múmkindiginshe ǵımarattardyń alǵashqy qabattarynda ornalastyrý jónindegi suraqty pysyqtaý kerek. Dálirek aıtqanda, bul suraqty SOSO jobalaryn qaraý jáne bekitý kezinde eskerip, nysandy paıdalanýǵa berý kezinde olardyń sapasyn baqylaý jumystaryn kúsheıtý qajet», - dedi Á. Isekeshev.
Osyndaı jaǵdaılardy boldyrmaý maqsatynda Astana ákimi qaladaǵy barlyq saýda oıyn-saýyq ortalyqtarynda, bazarlarda, vokzaldarda, mektepterde, aýrýhanalar men balabaqshalardabekitilgen tártipte tekseris jumystaryn uıymdastyrýdy, adamdar kóp jınalatyn jerlerde kóptep jınalatyn jerlerde órt qaýipsizdigin tekserýdi, olqylyqtar anyqtalǵan jaǵdaıda, olardy joıý sharalaryn shuǵyl túrde qolǵa alýdy, adamdar kóp jınalatyn barlyq nysandarda kúzet fırmalarynyń qyzmetkerleri arasynda eresekter men balalardy qaýipsiz jerge kóshirý jáne olar úshin tótenshe jaǵdaıda ózin-ózi ustaý erejeleri boıynsha nusqaýlyqtardy ótkizýdi tapsyrdy.
Sonymen qatar, ákim «jeńildikter túni», «qara juma» sııaqty aksııalardy saýda nysandarynda ótkizý kezinde qaýipsiz jerge shuǵyl túrde kóshirý, órt sóndirý júıesi men eskertý júıesiniń jumysy, apatty shyǵý esikteri men qyzmetkerlerdiń daǵdylanýy syndy sharalarǵa kóńil bólý kerektigin basyp aıtty. Nysandardyń ákimshilikteri óz kúshimen nemese memlekettik emes órtke qarsy qyzmettermen kelisim-sharttardy bekitý arqyly órt qaýipsizdigin qamtamasyz etýi kerek.