Ortalyq kommýnıkasııalar qyzmetinde III Eýrazııalyq kongresstiń «Qan tapsyrýdyń damýynyń ózekti máseleleri» taqyrybynda baspasóz konferensııasy ótedi.
Jıynǵa Densaýlyq saqtaý mınıstrligi Qoǵamdyq densaýlyq saqtaý komıtetiniń tóraǵasy Jandarbek Bekshın, Respýblıkalyq Transfýzıologııalyq ǵylymı óndiristik-ortalyǵy medısınalyq jumys boıynsha dırektorynyń orynbasary Shaıjamal Musabekova, Ortalyq Azııadaǵy aýrýlardy baqylaý jáne aldyn alý jónindegi AQSh aımaqtyq ortalyǵynyń JITS, AITV jáne týberkýlezge qarsy kúres bóliminiń ókili Perrı Kıllam, Qazaqstandaǵy DSU ókili Oleg Chestnov qatysty.
«2011 jyly Qazaqstan Respýblıkasy Úkimetiniń qaýlysymen qurylǵan Densaýlyq saqtaý mınıstrliginiń Transfýzıologııa ǵylymı-óndiristik ortalyǵy búgingi kúni ádistemelik ortalyǵy men Qazaqstannyń qan qyzmetin damytýdyń úılestirýshisi bolyp tabylady. Atalǵan kongress barysynda «Qazaqstannyń qan qyzmetin reformalaýdyń qorytyndysy», «Qan qyzmetiniń problemalyq suraqtary» jáne taǵy basqa taqyryptar talqylanatyn bolady. Aıta ketetin taǵy bir jaıt, mundaı jıyn Astanada alǵash ret ótkizilgeli otyr. Shara álemdik medısınalyq qaýymdastyqtyń aldynda elimizdiń ımmıdjin kóterýde asa mańyzdy jáne Qazaqstandy medısınaǵa joǵary tehnologııalardy tıimdi engizetin áleýmettik baǵdarlanǵan memleket retinde tanytýǵa septigin tıgizedi», dep atap ótti J.Bekshın.
Astanadaǵy alqaly jıyn 4-6 sáýir aralyǵynda ótedi.
Raýan QAIDAR, «Egemen Qazaqstan»