Májilis tóraǵasy Nurlan Nyǵmatýlın Qyzyljar óńirine jumys saparmen kelip, birqatar áleýmettik-óndiristik nysandardy aralady. Eńbek ujymdarymen kezdesip, «Prezıdenttiń bes áleýmettik bastamasy» Úndeýinen týyndaıtyn mindetterdi túsindirdi.
Májilis spıkeri aldymen S.Kırov atyndaǵy zaýytta bolyp, «Sıfrlyq Qazaqstan» memlekettik baǵdarlamasynyń oryndalý barysymen, ozyq tehnologııalardyń óndiriske engizilý jaıymen tanysty. Áleýetti óndiris oshaqtary arasynda S. Kırov atyndaǵy zaýyt jetekshi orynǵa ıe. Munda Indýstrııalandyrý baǵdarlamasy tabysty júrgizilip keledi. Zamanaýı ınnovasııalar keńinen qoldanylady. Sehtardy jańa qondyrǵylarmen jabdyqtaýdyń arqasynda eńbek ónimdiligi, ónimderdiń sany da, sapasy da artty. Metall shkaftar óndirisi jolǵa qoıyldy.
Ujym múshelerimen áńgime barysynda barysynda N. Nyǵmatýlın óndiristi jańǵyrtýdyń mańyzdylyǵyna aıryqsha toqtalyp, Prezıdent ınnovasııalyq ındýstrııalandyrýdy jańa tehnologııalardyń kóshbasshysyna aınaldyrý mindetin qoıǵanyn atap kórsetti. Jurtshylyq nazaryna usynylǵan áleýmettik bastamalar, baspanaly bolýdyń, salyqty azaıtyp, jalaqyny kóbeıtýdiń, jańa tabys kózderin ashýdyń jańa múmkindikterine bastaıtynyn áńgimeledi.
Májilis tóraǵasy óz sózine otbasylyq bıýdjetiniń múmkindikteri aıasynda baspana satyp alýǵa qarastyrylǵan arzan resýrstar tetigi, salyq júktemesin azaıtý esebinen jalaqysy tómen jumysshy-qyzmetkerlerdiń eńbekaqysyn kóbeıtý máselelerin keńinene baıandady. Memleket Basshysy joǵary bilim alýdyń qoljetimdiligi men sapasyn arttyrý baǵytynda naqty sharalar usyndy. Qazir jyl saıyn bólinetin 54 myń grantqa qosymsha 20 myń grant qosylyp otyr. Onyń jartysynan astamy tehnıkalyq mamandyqtar boıynsha bakalavrlyq bilim alýǵa baǵyttalady. Munyń ózi halyqaralyq standarttarǵa laıyqtalǵan bilim sapasyn ornyqtyrýmen qatar tórtinshi revolıýsııa jaǵdaıyndaǵy zor suranysqa ıe mamandarmen qamtamasyz etýge yntalandyrady. Sonymen qatar stýdentterdi jataqhanamen qamtý tapshylyǵy da sheshiledi. Elbasynyń tapsyrmasymen Úkimet arnaıy Jol kartasyn ázirlep, bastamalardy júzege asyrýdyń naqty qadamdary belgilendi. Soǵan sáıkes oryndaý tetikteri men merzimi aıqyndalyp, jaýapty mınıstrlikter men qurylymdar naqty bekitildi, deı kelip májilis spıkeri sapaly quqyqtyq- normatıvtik bazasyn qurý osy sessııa jumysynyń negizgi basymdyǵyna aınalatynyn, 15 shaqty zańǵa ózgerister men tolyqtyrýlar engiziletinin, olardyń qatarynda Azamattyq, Bıýdjettik, Salyq kodeksteri, bank, tólem týraly zańnamalyq qujattar baryn málimdedi.
Spıker Qyzyljar aýdanyna qarasty «Peterfeld-Agro» JShS-de bolyp, onyń tynys-tirshiligimen tanysty. Seriktestik 2011 jyldan beri iri qara malyn ósirýmen aınalysyp keledi. Sút fermalaryna sheteldik qondyrǵylar ornatylǵan. Barlyq jumys prosesi kompıýter arqyly atqarylady. Asyl tuqymdy sharýashylyq mártebesine ıe. Osynda aýyl sharýashylyq taýarlaryn óndirýshilermen ótken júzdesýde Elbasynyń áleýmettik bastamalary negizgi áńgime ózegine aınalyp, spıker de, sóıleýshiler de atap kórsetkendeı shaǵyn nesıe berýdi kóbeıtý arqyly aýyldyq jerlerde kásipkerlikti óristetýge, jumyssyzdyqty azaıtýǵa, jańa jumys oryndaryn qurýǵa, óz isin ashatyndarǵa jan-jaqty múmkindikter jasalady. Shaǵyn nesıelerdiń jalpy somasy 62 mıllıard teńgege ulǵaıyp, nesıe alatyndardyń sany 14 myń adamǵa jetetin bolady. Atalǵan áleýmettik joba aýyldyqtar úshin óte mańyzdy. Jıynda aýyl sharýashylyǵyna sıfrlyq tehnologııany engizý, astyq óndirisin damytý, ónimdilikti arttyrý jaıy da keńinen sóz boldy.
N.Nyǵmatýlın Elbasynyń áleýmettik bastamalary árbir óńirge tyń serpin beretinin, halyqtyń ál-aýqatyn kóterýge zor yqpal etetin atap ótti.
О́mir ESQALI, «Egemen Qazaqstan»
Soltústik Qazaqstan oblysy