Shyǵys Qazaqstan oblystyq ákimdiginiń ishki saıasat basqarmasyna qarasty Jastar resýrstyq ortalyǵynyń dırektory Araılym Esimbekova jáne ortalyqtyń Semeı qalasyndaǵy bóliminiń basshysy Oljas Soǵymbaı, qalalyq ishki ister basqarmasynyń qyzmetkerleri, eriktiler men tártip saqshylary «Túngi Semeı – tynysh qala» atty aldyn alý sharasyn ótkizdi.
– О́kinishke qaraı, Qazaqstandaǵy rýhanı orda, Alash qalasy sanalatyn Semeıde jasy kámeletke jetpegen qazaq jastarynyń túngi klýbtar men oıyn ortalyqtarynda bolýy kóńilge kirbiń uıalatty, – dedi oblystyq Jastar resýrstyq ortalyǵynyń dırektory Araılym Esimbekova, – Uıqylaryn qandyratyn mezgilde túngi saýyq alańdarynda júr. Árıne, jastarymyzǵa el bolyp alańdaımyz. Bul sharany Semeıden bastap otyrmyz, endi О́skemen qalasynda da jalǵastyramyz. Kámelet jasqa tolmaǵan, biraq, qor-qor, ishimdik, temekimen ustalǵan jastardyń ata-analaryn jaýapkershilikke tartamyz.
Araılym Esimbekovanyń aıtýynsha, kóptegen túngi oıyn-saýyq ortalyqtary esikteriniń syrtyna eskertý taqtaıshalaryn ilmegen eken. Aldaǵy ýaqytta Semeıdegi ýnıversıtetterdiń zań mamandyǵyna oqıtyn stýdentter kezekshilikke shyǵyp, kámeletke tolmaǵan jastardyń túngi ýaqyttaǵy minez-qulqyn qadaǵalaýǵa atsalysatyn bolmaq.
Raýshan NUǴMANBEK,
Semeı