«Astana» halyqaralyq qarjy ortalyǵynyń bırjasy Qazaqstandyq qarjygerler qaýymdastyǵynyń alańynda qazaqstandyq baǵaly qaǵazdardyń kásipqoı qatysýshylary úshin saýda júıesiniń keńeıtilgen tanystyrylymyn ótkizdi.
Is-sharaǵa qarjygerler qaýymdastyǵynyń shaqyrýymen bırja naryǵynyń 50-den astam ókili qatysty. Olardyń ishinde ekinshi deńgeıdegi bankter, brokerlik jáne zań kompanııalary, «Qazaqstandyq qor bırjasy» AQ ókilderi, Baǵaly qaǵazdardyń biryńǵaı tirkeýshisi jáne basqa da múddeli uıymdar boldy.
«Kezdesý qatysýshylary saýda júıesimen jáne onyń fýnksıonaldyq erekshelikteri, tehnıkalyq múmkindikteri, ótinimderdi qalyptastyrý jáne esepteý prosessteri jaıynda tanysýǵa múmkindik alǵan», - dep atap ótti Qazaqstandyq qarjygerler qaýymdastyǵynyń Basqarýshy dırektory Erlan Býrabaev.