Ishki týrızmdi damytý mańyzdy

Brıfıngke BǴM Ǵylym komıtetiniń ǵylymı jobalar men baǵdarlamalarǵa mem­leket­tik monıtorıng júr­gizý­ basqarmasynyń basshy­sy­ Raýshan Muqysheva, «QazaqGeography» basqarý­shy­­ ke­ńesiniń tóraǵasy, «Nazar­baev Ýnıversıteti» AAQ­ ınnovasııalar jónindegi vı­se-prezıdenti Qanat Baı­ǵarın, «QazaqGeography» halyq­aralyq jáne ǵyly­mı jobalar bóliminiń mened­jeri Nurjan Alǵashov, Nazarbaev Ýnıversıteti National Laboratory­ Astana bıo­­­­­­fo­tonı­ka jáne ımıdjıng zert­­hana­synyń kishi ǵy­ly­­mı qyz­­met­keri Ve­ronı­ka Dash­kova qa­tysty. Qatysý­shylar bir­­les­tiktiń ish­­ki tý­rızm­di damytý boıynsha qandaı sha­­ralar jos­parla­p, nendeı jumystar at­qa­rǵanyn baıan­dady.

Atalǵan qoǵamdyq birles­tik 2013 jyly quryl­ǵan bolatyn. Sodan beri san-alýan jobalar qolǵa alynyp, ishki týrızmge óz úlesin qosýda. Birlestiktiń bıylǵy jyl­ǵa­ baǵyttaǵan sharýasy da az emes eken.

«2018 jylǵy maýsym «Aral – 2018» ǵylymı-ta­nym­­­­­dyq ekspedısııasynan bas­­­­talady. Sapardyń bas­ty maq­­saty – Soltústik jáne Oń­tústik Araldyń gıdro­bıo­­­logııalyq ártúrliligi týraly derekter jınaý», dedi Q.Baıǵarın.

Ekinshi ekspedısııa – «Kıe­li Qazaqstan» jyl saıynǵy eks­pedısııalar toptamasy aıa­syndaǵy Ortalyq jáne Shy­ǵys Qazaqstannyń kıeli jer­lerine jasalatyn sapar bol­maq. «Kıeli Qazaqstan» ekspedısııalary rýhanı mu­ra­nyń ejelgi tarıhı ny­san­­daryn jan-jaqty zerdeleý­ge baǵyttalǵan. Sondaı-aq ótken jyly «Kıeli Qazaqstan» jo­basy aıasynda kıeli oryn­dar­­dyń elektondy atla­syn­­­ jasaý maqsatynda «QazaqGeography» toby Qa­zaq­­­­stannyń kıeli oryndaryn ara­­­laǵan. Al bıyl ǵalymdar rý­­hanı muranyń 6 nysanyn zert­temek.

«QazaqGeography» sony­men qatar Turan jolbary­syn, Prjevalskıı jylqy­syn qaı­ta jersindirý jáne Uly­taý qoryǵyn qurý jobalaryna qoldaý kórsetý boıynsha ju­mystaryn jalǵastyrady. Atal­ǵan jobalar 2014 jyldan beri iske asyrylýda.

Nazarbaev Ýnıversıteti­niń vıse-prezıdenti Q.Baı­ǵarın­niń aıtýynsha, bul Turan nemese Balqash jolba­rysynyń qaıta týylý máse­lesin ǵana emes, sondaı-aq tabı­ǵat pen ekologııanyń tu­­tas tizbegin qamtıtyn kó­­lem­­di joba: tizbek ústin­degi jyrt­qyshtyń nemen qorek­te­netininen bas­tap, onyń tir­shi­lik etý ortasynyń ósim­dik jabyny qandaı bolaty­nyna deıin eskeriledi. Iаǵnı, joba máselege ǵylymı tur­ǵy­dan qaraý arqyly iske asy­rylmaq.

Dınara BITIK, «Egemen Qazaqstan»