Dúnıejúzilik saıahattar saıty TripAdvisor «Eır Astanany» Travelers’ Choice Awards 2018 syılyǵynyń «Aımaqtyq Azııa tasymaldaýshysy» atalymynda jeńimpaz dep jarııalady.
Saıahattaýshylar borttaǵy qyzmet kórsetýdi, salondaǵy tazalyqty, tamaq pen sýsyndardy, kreslolar jaılylyǵyn, kreslo arasyndaǵy qashyqtyǵy, baǵa men sapanyń úzdik ara qatynasyn, tirkeýdi jáne kompanııanyń oıyn-caýyq júıesin joǵary baǵalady. Úzdik tasymaldaýshylar 2017 jylǵy aqpannan 2018 jylǵy aqpanǵa deıin álem boıynsha kórsetilgen reıtıng pen pikirler sany men sapasyn eskeretin algorıtm boıynsha anyqtalǵan.
«Bizdiń áýekompanııa servıstiń eń joǵary standarttaryna úzdiksiz umtylady jáne men «Eır Astana» osy marapattyń ıegeri bolǵanyna baqyttymyn, – dedi kompanııa prezıdenti Pıter Foster. – Men TripAdvisor saıtynda bizdiń reıspen ushqannan keıin pikir qaldyrǵan árbir jolaýshymyzǵa shyn júrekten alǵys aıtqym keledi jáne odan arǵy qoldaýyna senimdimin».
«Eır Astana» júıeli túrde reısterdi oryndaýdy 2002 jyldyń 15 mamyrynda bastady jáne qazir 60-tan astam halyqaralyq jáne ishki reısterden turatyn marshrýttyq jelige ıe. Kompanııanyń floty Boeing 767-300ER, Boeing 757-200, Airbus A320 jáne Embraer E190 ushaqtarynan turady. «Eır Astana» TMD jáne Shyǵys Eýropa elderindegi tasymaldaýshylardyń arasynda Skytrax halyqaralyq agenttiginiń 2012 jyly bedeldi 4 juldyzdy reıtıngin jáne «Ortalyq Azııadaǵy jáne Úndistandaǵy eń úzdik áýe-kompanııa» syılyǵyn alǵan alǵashqy kompanııa boldy. Eki syılyq ta 2013, 2014, 2015, 2016 jáne 2017 jyldary rastaldy.
«Eır Astana» AQ Korporatıvtik kommýnıkasııalar jónindegi departament