«Bárimiz úshin jeńis ortaq!» dep atalatyn halyqaralyq medıa-ekpedısııa Qazaqstanda birinshi bolyp Petropavl qalasyna aıaldady.
Avtosherýdi Hanty-Mansı avtonomııa okrýgi dýmasy janyndaǵy jastar parlamenti men «Iýgranyń jas jýrnalısteri» aımaqtyq qoǵamdyq uıymy uıymdastyrdy. Quramynda ártúrli markaly kólikter men 30-ǵa jýyq músheleri bar ekspedısııa Ýkraına, Belarýs, birqatar Eýropa elderin aralap ótipti. Olar oblys ortalyǵyndaǵy «Máńgilik ot» alaýyna, Jeńis memorıalyna, 314 atqyshtar dıvızııasy eskertkishine gúl shoqtaryn qoıyp, taǵzym etti. Budan keıin tarıhı-ólketaný mýzeıinde aǵa jáne jas býyn ókilderimen kezdesti.
«Sapar maqsaty Qazaqstanda turatyn soǵys, tyl ardagerleriniń ómirlerimen, maıdan dalasyndaǵy erlik isterimen, janqııarlyq eńbek joldarymen jaqynyraq tanysý, qundy aqparattar jınaý, eki el jastary arasynda berik yntymaqtastyq ornatý», deıdi halyqaralyq medıa-ekspedısııanyń jetekshisi, jastar parlamentiniń múshesi Nıkolaı Zabolotnev.
Onyń aıtýynsha jınaqtalǵan aqparattar áleýmettik jeliler arqyly da jurtshylyqqa taratylady.
Kezdesýden keıin Hanty-Mansı avtonomııa okrýgi dýmasy janyndaǵy jastar parlamenti men oblystyq jastar uıymy «Bárimiz úshin jeńis– ortaq!» halyqaralyq medıa-ekspedısııaǵa birlesip qatysý týraly memorandýmǵa qol qoıdy.
О́mir Esqalı
«Egemen Qazaqstan»
Soltústik Qazaqstan oblysy