Ortalyq kommýnıkasııalar qyzmetinde «QazAvtoProm» Qazaqstan avtokólik salasyndaǵy kásiporyndar odaǵy respýblıkamyzdyń avtoóndirýshileriniń 2018 jyldyń I toqsanyndaǵy jumysynyń nátıjeleri týraly baspasóz máslıhaty ótti.
«2018 jyldyń naýryz aıynyń nátıjeleri boıynsha qazaqstandyq kásiporyndardyń konveıerlerinen 2 580 birlik avtokólik quraldary shyǵaryldy, bul 2017 jyldyń nátıjelerinen 2,1 ese artyq. I toqsannyń qorytyndylary boıynsha otandyq avtozaýyttar 5 396 birlik avokólik ótkizdi, bul ótken jylǵy mánnen 2 ese joǵary. Qazavtoprom kásiporyndarynyń naryqtyq úlesi 45,9% deıin artty, ótken jyly bul kórsetkish 31,7% bolǵan edi», dep málimdedi «Kazavtoprom» Qazaqstannyń avtomobıl salasyndaǵy kásiporyndar odaǵy» ZTB dırektorlar keńesiniń tóraǵasy Oleg Alfıorov.
Sonymen qatar, aǵymdaǵy jyldyń I toqsanynda respýblıkamyzdyń turǵyndary Qazaqstanda qurastyrylǵan jańa jeńil avtomobılderdi satyp alý úshin 26,2 mlrd tg jumsaǵan, bul 2017 jylǵy kórsetkishpen salystyrǵanda 2,5 ese artyq.
Spıkerdiń aıtýynsha, jergilikti qurastyrylǵan avtomobılder segmentindegi ústem jaıǵasym «AZIIа AVTO» AQ tıesili – 3 212 birlik satylǵan avtomobıl nemese otandyq tehnıkanyń jıyntyq ótkizýdiń 59,5%. «SaryarqaAvtoProm» JShS 1 898 birlik avtomobıl ótkizgen. Odan ári otandyq avtoóndirýshilerdiń ónimin ótkizý reıtınginde «SemAZ» JShS «KAMAZ-Injınırıng» AQ, «Hyundai Trans Auto» JShS jáne «Daewoo Bus Kazakhstan» JShS jaıǵasqan.