Parlament Senaty Tóraǵasynyń orynbasary Sergeı Gromov Reseı Federaldyq Jınalysy Memlekettik Dýmasynyń depýtaty, «Edınaıa Rossııa» partııasy Bas keńesi hatshysynyń orynbasary Sergeem Jeleznıakpen kezdesti.
S.Gromov bıylǵy naýryz aıyndaǵy prezıdent saılaýynyń tabysty ótýimen quttyqtaı kelip, Qazaqstan men Reseıdiń parlamentaralyq baılanystary ekijaqty yntymaqtastyqtyń mańyzdy quramy ekenin atap ótti. «Bul qatynastarǵa Qazaqstan men Reseı Parlamentteri joǵarǵy palatalary depýtattarynyń parlamentaralyq yntymaqtastyq jónindegi komıssııadaǵy qyzmeti zor yqpal etedi», - dedi ol.
Ol sondaı-aq TMD Parlamentaralyq Assambleıasy men UQShU Parlamenttik Assambleıasy parlamenttik dıplomatııadaǵy mańyzdy halyqaralyq qyzmet ekenin atap ótti, osy yqpaldasý birlestikteriniń aıasynda depýtattar elder zańnamasynyń úılesimi men jaqyndasýyn qamtamasyz etedi.
S.Gromov Qazaqstan ishki saıasatyndaǵy basty baǵyttar men ondaǵy negizgi strategııalar men baǵdarlamalyq qujattar týraly habardar etip, Memleket basshysy N.Á.Nazarbaevtyń «Tórtinshi ónerkásiptik revolıýsııa jaǵdaıyndaǵy damýdyń jańa múmkindikteri» Joldaýy men bes áleýmettik bastamasy jaıynda jan-jaqty áńgimelep berdi.
«Edınaıa Rossııa» partııasy Bas keńesi hatshysynyń orynbasary Qazaqstan Prezıdentiniń áleýmettik bastamalarynyń mańyzyn atap ótti jáne Sırııa shıelenisteri jónindegi kelissózderdegi Qazaqstannyń róline joǵary baǵa berdi.
Taraptar sondaı-aq aımaqaralyq jáne ekonomıkalyq yntymaqtastyq máselelerin de talqylady.