Sandyqtaý aýdanynyń Belgorod aýylyndaǵy mádenıet úıinde mýzykalyq apparatýra múldem bolmaǵan edi. Endi onyń da oraıy keldi. Naqty aıtqanda, «Belgorodskoe» JShS dırektory Artem Lıýbımov ártister men kórermenderdiń kóńilinen shyǵatyn mýzykalyq apparatýra satyp alyp berdi.
«Án – kóńildiń» ajary demekshi, endi atalǵan mýzykalyq apparatýra bar kezde mádenıet úıine kelýshiler qatary da arta tústi. Ánmen qosa bı bıleýge de múmkindik týyp otyr. Jergilikti turǵyndar osyndaı keremet mýzykalyq aspap satyp ápergen jerlesterine dán rıza. О́ıtkeni aýyldyq jerdegi aýyr eńbekten keıin keshtetip án salǵandy jaqsy kóretin belgorodtyqtar ara-arasynda aýyldyq klýbta konsert qoıyp jiberedi. Atalǵan mádenıet úıiniń ujymy jastar men balalardy kóptep tartý úshin ártúrli merekelik sharalar men shyǵarmashalyq konsertter uıymdastyrady. Mýzykalyq apparatýra mine osyndaıda kerek.
Jalpy aýyldyq okrýgte ardagerlerdiń «Rechenka» jáne jastardyń «Ivýshka» degen shyǵarmashalyq horlary qurylǵandyǵyn aıta ketý kerek. Bul eki ujym da aýdanda ótken barlyq merekelik sharalarǵa qatysyp, óz ónerlerimen kópti tánti etip júr.
Asqar TURAPBAIULY,
«Egemen Qazaqstan»
Aqmola oblysy