Ulybrıtanııada Qazaqstannyń bilim berý júıesi úshin eleýli oqıǵa Kembrıdj ýnıversıtetindegi Nazarbaev Zııatkerlik mektepteriniń kúnderi aıaqtaldy. Halyqaralyq forým Zııatkerlik mektepterdiń strategııalyq serigi – Kembrıdj ýnıversıtetiniń bastamasymen ótti.
Álemdegi bedeldi oqý oryndarynyń biri sanalatyn Kembrıdj ýnıversıteti qabyrǵasynda tuńǵysh ret qazaqstandyq ınnovasııalyq mektepterdiń tájirıbesi kórsetildi. «Nazarbaev Zııatkerlik mektepteri» derbes bilim berý uıymynyń Basqarma tóraıymy Kúlásh Shámshıdınovanyń «Time for Change: 10 years of Nazarbayev Intellectual schools» – «О́zgeris ýaqyty: Nazarbaev Zııatkerlik mektepterine 10 jyl» taqyrybynda oqyǵan dárisi bilim salasyndaǵy bedeldi ǵalymdar men sarapshylardyń, brıtandyq pedagogıka fakýltetiniń jáne joǵary oqý oryndary ókilderiniń, sondaı-aq dıplomattar men jýrnalısterdiń, stýdentterdiń qyzyǵýshylyǵyn týdyrdy. Ulybrıtanııada bilim alatyn jáne qyzmet etetin kóptegen otandastarymyz Kembrıdjdegi Qazaqstan kúnderine arnaıy kelip qatysty.
Kembrıdj ýnıversıteti janyndaǵy Halyqaralyq baǵalaý jáne bilim berý Keńesiniń (CAIE) Halyqaralyq bilim berý dırektory Trıstan Stobıdiń aıtýynsha Zııatkerlik mektepterdiń qurylýy bilim berý salasyndaǵy úlken jetistikterdiń biri.
«Nazarbaev Ýnıversıteti» DBBU Prezıdenti, «Nazarbaev Zııatkerlik mektepteri» DBBU Qamqorshylyq keńesiniń tóraǵasy Shıgeo Katsý jáne Qazaqstan Respýblıkasynyń Ulybrıtanııadaǵy Tótenshe jáne ókiletti elshisi Erlan Ydyrysov qazirde Zııatkerlik mektepteri ulttyq bilim berý júıesindegi negizgi draıver ekenin atap ótti. Kembrıdj ýnıversıteti Bilim fakýltetiniń dekany Djeff Heıýord fakýltettiń Zııatkerlik mektepterimen yntymaqtastyq ornatyp, birlesken jobany júzege asyryp jatqany týraly óz maqtanyshyn bildirdi. Qazaqstandaǵy ınnovasııalyq mekteptermen jasalǵan osy seriktestik pedagogıka salasyndaǵy jahandyq yntymaqtastyqtyń jarqyn mysaly.
Kembrıdj ýnıversıteti Bilim fakýlteti, Kembrıdj ýnıversıtetiniń Halyqaralyq baǵalaý jáne bilim berý Keńesi (CAIE), Cambridge University Press baspasy, Bottisham Village College seriktes mektebinde ótken jumys kezdesýleri barysynda bilim berý salasyndaǵy jahandyq úrdister, sondaı-aq bilim alýǵa teń múmkindik, oqý baǵdarlamalaryn jáne oqý quraldaryn ázirleý, baǵalaý júıesi,muǵalimderdiń kásibı biliktiligin arttyrý jáne muǵalimderge jalpy jaǵdaı jasaý, oqýlyq avtorlary men sarapshylaryn oqytý sekildi qazirgi pedagogıka ǵylymynyń ózekti máseleleri talqylandy. Osy is-sharanyń eń qyzyqty sátteriniń biri qazirde Ulybrıtanııanyń úzdik joǵary oqý oryndarynda bilim alyp jatqan Zııatkerlik mektepterdiń túlekterimen ótken kezdesý.
– Men barsha qazaqstandyqtardy Nazarbaev Zııatkerlik mektepteriosy on jyl ishinde álemdik bilim berý kóshbasshylarynyń qataryna qosylýymen quttyqtaımyn. Biz osy biregeı transulttyq jobanyń damýyna at salysqanymyzdy maqtan etemiz. Osy Kúnderdiń ótýi Nazarbaev Zııatkerlik mektepteri jáne Kembrıdj ýnıversıtetiniń jemisti yntymaqtastyǵynyń jańa kezeńin ashty, –dep atap ótti álemdik pedagogıkanyń bedeldi sarapshysy, professor Kolın Maklaflın.