1 mamyr Qazaqstan halyqtary birligi kúni merekesiniń aıasynda Atyraýda mádenı-kópshilik is-sharalar ótip jatyr, dep habarlaıdy Atyraý oblystyq óńirlik kommýnıkasııalar qyzmeti.
Negizgi merekelik sharalar Sultan Beıbarys alańynda bastaý aldy. Atyraýlyqtar men qala qonaqtary aldynda etnomádenı birlestikterdiń shyǵarmashylyq ujymdary óner kórsetti.
Merekelik quttyqtaýda oblys ákimi Nurlan Noǵaev Qazaqstan halqynyń birligi kúnin atap ótýdiń mańyzdylyǵyna toqtaldy.
- Qazir aımaqta 17 etnomádenı birlestik bar. Ártúrli ult pen din ókilderi qoǵam damýyna úlesterin qosyp keledi. Uzaq jyldar boıy beıbitshilik pen kelisimde ómir súrip kelemiz, sonyń arqasynda Qazaqstan tolerantty el retinde álemge belgili. Memleket basshysy atap kórsetkendeı, Qazaqstannyń órkendep, damýy bárimizdiń ortaq maqsatymyz, - dedi Nurlan Noǵaev.
Qazaqstan halyqtary birligi kúni merekesin uıymdastyrýshylar oıyn-saýyq baǵdarlamalaryn qamtyǵan.
Atap aıtsaq, 13.00-de Sultan Beıbarys alańynda "Aıda Qaýmenova" men "Nur-Shah" sán úıleri kıimderiniń kórmesi ótedi.
15.00-de osy alańda "Almaly.kz" halyqaralyq balalar festıvaliniń saltanatty ashylýy bolady.
17.00-de Q.Smaǵulov alańynda street workout boıynsha Atyraý qalasynyń ashyq kýbogy sarapqa salynady.
19.00 Sultan Beıbarys alańynda merekelik konsert bastalady.