Qazaqstan Respýblıkasynyń Memlekettik hatshysy Gúlshara Ábdiqalyqova О́zbekstan Respýblıkasynyń Qazaqstan Respýblıkasyndaǵy Tótenshe jáne ókiletti elshisi Saıdıkram Nııazhodjaevpen kezdesti
Memlekettik hatshy Qazaqstan men О́zbekstandy san ǵasyrlyq týystyq qarym-qatynas, ortaq mádenıet, shynaıy dostyq pen ózara yntymaqtastyq baılanystyratynyn atap ótti.
Kezdesý barysynda G.Ábdiqalyqova Qazaqstannyń ishki saıasatynyń basty baǵyttary týraly aıtty. Memleket basshysy N.Á.Nazarbaevtyń tapsyrmasymen elimizde ekonomıkany, saıasatty jáne qoǵamdyq sanany qamtıtyn júıeli jańǵyrý úderisi júrýde.
– Joǵary deńgeıdegi ózara senimge negizdelgen ári saıası syndarly dıalog strategııalyq seriktestikti odan ári tereńdetýdiń negizgi ózegi bola bermek, – dedi Memlekettik hatshy.
G.Ábdiqalyqova О́zbekstannyń Qazaqstandaǵy jyly aıasynda azamattar, sondaı-aq ǵylym, mádenıet, bilim berý mekemeleri, sharýashylyq júrgizýshi sýbektiler, kásipkerlik qurylymdary arasyndaǵy baılanystardy keńeıtýge baǵyttalǵan aýqymdy is-sharalar josparlanyp otyrǵanyn aıtty.
Qazaqstan men О́zbekstan arasyndaǵy syrtqy saýda aınalymy qarqyndy damyp kele jatqany atap ótildi. Máselen, 2017 jyly ekijaqty saýda 31 paıyzǵa ósip, 2 mıllıard AQSh dollaryna jetken. Bıylǵy 2 aıda saýda aınalymy 44 paıyzǵa artyp, 366 mıllıon dollardy qurady.
Kezdesý sońynda Gúlshara Ábdiqalyqova eki el arasyndaǵy dástúrli tatý kórshilik qarym-qatynasty nyǵaıtý isinde О́zbekstannyń Qazaqstandaǵy Tótenshe jáne ókiletti elshisi S.Nııazhodjaevqa zor tabys tiledi.