Almatydaǵy Pedıatrııa jáne balalar hırýrgııasy ortalyǵynyń bilikti hırýrgy Konstantın Haırov Taldyqorǵandaǵy Oblystyq balalar aýrýhanasyna respýblıkalyq sanıtarlyq avıasııasynyń tikushaǵymen jedel attanyp, saryaýrý, ót joldarynyń asqynǵan ehınokokkozy dıagnozymen jatqan 13 jastaǵy balaǵa kúrdeli ota jasady.
Bul otanyń ereksheligi ót joldaryndaǵy ehınokokk qurttaryn oqshaýlaýdyń sırektiginde. Álemdik derekterge súıensek, osy oqshaýlaýdyń kezdesý jıiligi birinshilikti ehınokokkozdar arasynda 0,13-0,48 paıyzdy quraıdy. Qysqasy, naýqastyń ót jolyn parazıttiń hıtındi qabyqshalary bitegen. Otanyń kúrdeliligine qaramastan, ót joldary jáne baýyrdaǵy ehınokokkozdy alý áreketi sátti ótti.
О́t joldarynyń kúrdeli ehınokokkozdy aýrýy shetelderde jıi kezdeskenimen, Qazaqstanda mundaı patologııaǵa shaldyǵý jaǵdaıy óte sırek. Sondyqtan ol sırek jasalatyn aýyr da kúrdeli ota bolyp sanalady. Mundaı kúrdeli ota aımaqtarda jasalmaıdy.
Sonymen aýyr da kúrdeli operasııaǵa oblystyq balalar aýrýhanasynyń hırýrg-dárigerleri de qatysty. Bilikti de joǵary sanatty dáriger, medısına ǵylymdarynyń kandıdaty, Pedıatrııa ortalyǵynyń hırýrgııa boıynsha dırektor orynbasary Konstantın Haırov qıyn otany jasaı otyryp ári aımaqtyq dárigerlermen tájirıbesimen bólisti.
Aınash ESALI,
«Egemen Qazaqstan»
ALMATY