Jeńil atletıkadan Qytaıdyń Tıanszın qalasynda ótken jabyq keshendegi Azııa chempıonatynda jerlesterimiz jeti júldemen qorytyndylady, dep habarlaıdy Egemen.kz.
Alǵashqy júldeni komanda qorjynyna Nora Djerýto saldy. 1 500 metrge júgirgen ol qola medaldi ıelendi. Kóp keshikpeı besaıysshy Alına Chıstıakova Aspanasty elinde Qazaqstannyń ánuranyn shyrqatty. Otandasymyz 4181 upaı enshilese, qytaılyq Sıýı Szıahýan (4091 upaı) men Ý Chjen (4013 upaı) kúmis pen qolany ózara bólisti. Kelesi kúni Djerýto óz jankúıerlerin taǵy da qýantty. Bul joly ol 3 000 metrlik qashyqtyqta aldyna jan salmady. Jeńimpazdyń kórsetkishi – 8.46,87. Ekinshi jáne úshinshi oryndardy japonııalyq Tonaka Nazomı (8.48,55) men qytaılyq Lıý Ksıa (9.16,18) ıelendi.
Bıiktikke sekirgen Nadejda Dýbovıskaıa 1,87 metrlik mejeni baǵyndyrdy. Bul onyń kúmis medal alýy úshin jetkilikti boldy. Dýbovıskaıa ózbekstandyq Valerııa Gorbatovadan qalyp qoıdy. Úsh qarǵyp sekýri saıysynda Marııa Efremova qolaǵa qol sozdy. 4h400 estafetasynda quramynda Krıstına Kondrashova, Marına Shývalova, Anna Shýmılo jáne Adelına Zems syndy jelaıaqtary bar bizdiń qyzdar komandasy shashalaryna shań juqtyrmady. Al erler úshinshi oryndy enshiledi.
Dzıýdoshylar Parıjde úsh qolaǵa qol jetkizdi