Jelide «Altyn-Emel» ulttyq parkinde júrgen qar barysynyń vıdeosy tarady. Beınerolık uıymnyń Instagram jelisindegi paraqshasynda jarııalanǵan, dep habarlaıdy Egemen.kz.
Park qyzmetkeri, memlekettik ınspektor Erlan Moldahmetov josparly tekserý kezinde qar barysyn vıdeoǵa túsirip alǵan.
«Bul − sırek ári asa qundy kadrlardyń biri. Qazaqstannyń Qyzyl kitabyna engen qar barysynyń tabıǵı ortada erkin tirshilik etýi ekojúıeniń turaqtylyǵy men saqtalýynyń mańyzdy kórsetkishi bolyp sanalady», delingen jazbada.
«Altyn-Emel» − Jetisý oblysyndaǵy iri memlekettik ulttyq tabıǵı park, eldegi eń tanymal týrıstik nysandardyń biri. Munda shólder, taý jotalary, shatqaldar men dalalar sııaqty alýan túrli landshafttar bar.
Almaty oblysynda qar barysynyń izi anyqtaldy
Park óziniń erekshe tabıǵatymen jáne sırek janýarlarymen tanymal. Olardyń qatarynda qulan, qaraquıryq jáne Qyzyl kitapqa engizilgen basqa da túrler kezdesedi.
Katon-Qaraǵaı ulttyq parkinde qar barysy fototuzaqqa tústi