Almatyda «Taza Qazaqstan» respýblıkalyq aksııasy aıasynda qaladaǵy mańyzdy qoǵamdyq keńistikter tazartyldy. Qarasý jáne Boraldaı shaǵynaýdandarynda, sondaı-aq Úlken Almaty kanalynyń boıynda aýqymdy senbilikter uıymdastyryldy, dep habarlaıdy Egemen.kz.
Qalada kún jańbyrly bolǵanyna qaramastan, senbilik jumystaryna 550-den astam adam qatysty.
«Taza Qazaqstan»: Polısııa 3 myńnan astam zańsyz qoqys úıindisin joıdy
Jumystardyń tıimdiligin qamtamasyz etý maqsatynda 70 birlik arnaıy tehnıka jumyldyryldy. Uıymdasqan jumystyń nátıjesinde qoǵamdyq aýmaqtar tazartylyp, turmystyq qaldyqtar shyǵaryldy, ózen-kól jaǵalaýlary men irgeles aýmaqtar retke keltirildi. Jalpy 250 tekshe metr qoqys shyǵaryldy.
«Taza Qazaqstan»: Ormanshylar oqýshylarmen birge aǵash ekti
Alataý aýdany ákimdiginiń kóriktendirý bóliminiń basshysy Danııar Qarshybekov mundaı is-sharalardyń júıeli túrde ótkiziletinin aıtty.
«Qalany tazartý jáne kórkeıtý jumystary turaqty túrde jalǵasady. Qorshaǵan ortanyń tazalyǵyn saqtaý – árbir turǵynnyń ortaq mindeti. Jańbyrly aýa raıyna qaramastan, almatylyqtar joǵary belsendilik tanytyp, aksııany qoldady», dedi D.Qarshybekov.