Kókshetaý qalasynda Aýyl partııasy bastamasymen jáne partııa tóraǵasynyń orynbasary Qýanysh Seıtjanovtyń basshylyǵymen óńirlik fılıal ókilderine arnalǵan «Jańartylǵan Konstıtýsııa – turaqty damý negizi» taqyrybynda respýblıkalyq semınar-keńes ótti, dep habarlaıdy Egemen.kz.
Is-shara partııanyń jańa konstıtýsııanyń jobasyn qoldaý jáne olardy óńirlik deńgeıde jan-jaqty túsindirý baǵytyndaǵy júıeli jumysynyń jalǵasy retinde uıymdastyryldy. Semınardyń negizgi maqsaty – jańa Ata Zańnyń mazmuny men mańyzyn keńinen nasıhattaý, memlekettik basqarý júıesin jańǵyrtý úderisterin talqylaý jáne quqyqtyq mádenıetti nyǵaıtý.
«Volonterlik» uǵymyn Konstıtýsııada bekitý usynyldy
Jıyn barysynda qatysýshylar Qazaqstan Respýblıkasynyń jańa Konstıtýsııasyndaǵy negizgi erejelerdi, olardyń eldiń saıası júıesine yqpalyn, bılik tarmaqtary arasyndaǵy ókilettikter teńgerimin jetildirý máselelerin keńinen talqylady. Sonymen qatar, jergilikti ókildi organdardyń quzyretin keńeıtý, óńirlerdiń derbestigin arttyrý jáne qoǵamdyq baqylaý tetikterin kúsheıtý baǵyttary sóz boldy.
Semınarda konstıtýsııalyq reformany óńirlerde iske asyrýdyń praktıkalyq qyrlaryna erekshe nazar aýdaryldy. О́ńirlik ókilder aqparattyq-túsindirý jumystarynyń tıimdi tásilderimen bólisip, azamattardyń quqyqtyq saýattylyǵyn arttyrý jáne qoǵamdyq belsendilikti kúsheıtý máselelerin talqylady.
Konstıtýsııalyq reforma bıznestiń de órisin keńeıtedi
Is-shara aıasynda «Zań men Tártip» jáne «Adal azamat» tujyrymdamalary quqyqtyq memleketti qalyptastyrýdyń qundylyqtyq negizi retinde qarastyryldy. Qatysýshylar zań ústemdigin nyǵaıtý, qoǵamdyq jaýapkershilikti arttyrý jáne memleket pen qoǵam arasyndaǵy senimdi kúsheıtý máselelerine basymdyq berdi.
Áleýmettik zertteý: Qazaqstan halqynyń 85%-y jańa Konstıtýsııa jobasyn qoldady
Semınar-keńes qorytyndysy boıynsha partııa ókilderi jańa Konstıtýsııa mátinin qoldady.