Astana qalasynda Qazaqstan Respýblıkasyndaǵy Adam quqyqtary jónindegi ýákil Asqar Shákirovtiń BUU-nyń Esirtki jáne qylmys jónindegi basqarmasynyń basshysy Sıgne Rotbergamen kezdesýi ótti. Onda eldegi esirtki jáne basqa da psıhoaktıvti zattardyń taralý máseleleri sóz boldy.
Bul problema medısınalyq jáne áleýmettik qaterlerge, sonyń ishinde adamnyń ımmýndyq tapshylyq vırýsynyń (AITV) jáne ımmýndyq tapshylyq sındromyn (JITS) qosa alǵanda, taralýyna baılanysty birshama alańdaýshylyq týǵyzady.
Osy máseleni zertteýmen aınalysatyn qoǵamdyq uıymdardyń málimetteri boıynsha, 2017 jyly Qazaqstanda AITV-nyń 2 500-den astam jańa ınfeksııasy tirkeldi, onyń 70 paıyzy ıneksııalyq esirtki qoldanatyn tulǵalarǵa qatysty.
Kezdesý barysynda álemdik úzdik tájirıbeni eskere otyryp, osy qubylystarmen kúresýdiń tıimdi quraldaryn qoldaný qajettiligi týraly ortaq pikir aıtyldy. Atalmysh kontekste S.Rotberga eýropalyq elderde, AQSh-ta, sondaı-aq TMD memleketteriniń kópshiliginde belsendi túrde qoldanylatyn dárilik zattarmen qosalqy terapııanyń qoldanylýyn tıimdi sharalardyń biri retinde atap ótti.
Ombýdsmen esirtkiniń zańsyz aınalymyna jáne esirtkige táýeldilikti boldyrmaýǵa qarsy sharalardy ótkizýdiń mańyzdylyǵyna kóńil aýdaryp, sonymen qatar ońtaıly halyqaralyq tájirıbeni, onyń ishinde quqyq qorǵaý turǵysynan jan-jaqty zerdeleý qajettigin jetkizdi.
«Egemen-aqparat»