QAR ORNYNA... JAŃBYR JAÝǴAN QYZYQ KÚN

Qazaqstannan Kanadaǵa 40-qa jýyq sportshy kel­­­di. Olardyń keı­­bireýi osy kún­ge deıin jarys jo­ly­na shyǵyp ta úl­gerdi. Ázirge qor­jynymyz bos. Alaı­­­­da, dál qazir “Van­kýverden min­det­ti túrde medal alamyz” dep, eshkim nyq senimmen aıta almaıdy. О́ıtkeni, Qazaqstanda qysqy sport túrleriniń damý barysy baıaý. Vankýverde qardyń joqtyǵy azdaı, kúnde jańbyr jaýyp, qysqy Olımpııa oıyndarynyń oıdaǵydaı ótýine kádimgideı kedergi keltirip tur. Sonyń saldarynan alǵashqy kúni taý shańǵysy boıynsha jarys ótpeı qaldy. Mamandardyń aı­týyn­sha, aýa raıynyń qolaısyz­dyǵy ashyq aspan astynda synǵa túsetin sportshylarǵa ózderiniń shynaıy sheberlikterin pash etýge qolaısyzdyq týǵyzýda. Jáne de 12 aqpanda bolǵan qaıǵyly oqıǵa onsyz da ábigerge túsken kanada­lyq­­tardyń salyn sýǵa ketirdi. Es­terińizge sala keteıik, Olım­pıadanyń ashylý saltanatynyń bastalýyna sanaýly saǵattar qalǵanda Grýzııanyń 21 jastaǵy sportshysy Nodar Kýmarıtashvılı qaza tapqan bolatyn. Jattyǵý barysynda ol shanadan qulap, sol jerde jantásilim etti. “Bı Sı Pleıs” stadıonynda ótken Vankýverdegi oıyndardyń ashylý saltanaty kezinde bir mı­nót­tik únsizdik jarııalanyp, Ha­lyq­aralyq Olımpıada komı­tetiniń prezıdenti Jak Rogge jáne uıym­das­tyrý komıtetiniń tóraǵasy Djon Farlong qaıtys bolǵan sportshynyń otbasyna kóńil aı­typ, qaıǵyly oqıǵanyń oryn alǵanyna ókinish bildirdi. Grýzııa­nyń sporttyq delegasııasy bul rásimge qara jamylyp shyqty. Al jalpy alǵanda aq Olımpıadanyń ashylý saltanaty joǵary deńgeıde ótti. Úıeńki japyraqtary eli tórtjyldyqtyń basty dodasyna jaqsy daıarlanǵany anyq baıqal­dy. Alqyzyl alaýdy tutandyrý qurmetine hokkeıshi Ýeın Gretskı, taý shańǵyshysy Nensı Grın, konkıshi Katrına Lemeı-Doan jáne basketbolshy Stıv Nesh ıe boldy. Saltanatty keshke sondaı-aq Nellı Fýrtado, Adams Braıan, Donald Sazerlend, Jak Vılnev, Bobbı Orr syndy kóptegen jul­dyz­dar qatysty. Qa­zaq eli delega­sııa­synyń týyn sta­dıonǵa bıat­lon­shy Dıas Ke­ne­shev ustap shyq­­­­ty. Qazaqstannan Kanadaǵa 40-qa jýyq sportshy kel­­­di. Olardyń keı­­bireýi osy kún­ge deıin jarys jo­ly­na shyǵyp ta úl­gerdi. Ázirge qor­jynymyz bos. Alaı­­­­da, dál qazir “Van­kýverden min­det­ti túrde medal alamyz” dep, eshkim nyq senimmen aıta almaıdy. О́ıtkeni, Qazaqstanda qysqy sport túrleriniń damý barysy baıaý. Ony qarapaıym jankúıerler ǵana emes, sport basshylarynyń ózderi de moıyn­daıdy. Sol sebepti búgingi tańda “barǵa-rıza, joqqa-sabyr” deýden basqa amal joq. Otandas­tarymyzdyń arasynan ázirge eń jaqsy kórset­kishke Elena Hrýs­taleva qol jetkizdi. Bıatlon­shy­lardyń 7,5 shaqyrymdyq saıy­synda ol besinshi oryn aldy. Kil myq­tylar bas qosqan básekede Elena tek slovakııalyq Anastasııa Kýzmına, germanııalyq Magdalena Noıner, fransııalyq Marı Doren jáne reseılik Anna Býly­gınadan qalyp qoıdy. Osy ti­zimdegi alǵashqy úsh sport­shy jeńis tuǵyry­nan qol bul­ǵady. Hrýs­tale­vamen birge ja­rys jolyna shyq­­­qan Anna Le­bedeva – 52, Marına Le­be­deva-58 jáne Lıýbov Fılı­monova-67 oryn­­darǵa ornalasty. Alǵashqy ondyqqa enýge frıs­taıl­shy Iýlııa Galysheva men Darıa Ry­balo­vanyń da múmkin­dikteri boldy. Mogýl jarysynda olar 11 jáne 14-oryndardy ıelen­di. Bul saıysta AQSh sportshysy Kırnı Hanna altynnan alqa taǵyndy. Onyń jerlesi Barke Shenon qolaǵa qol sozsa, kanada­lyq Neıl Djenı­fer kúmisti keýdesine taqty. Konkıshiler jarysy erlerdiń 5000 metrlik qashyqtyqqa júgirýi­men bastaldy. Bul rette Gollan­dııa­nyń asyǵy alshysynan tústi. Álemniń úsh dúrkin chempıony Sven Kramer 6:14, 60 sekóndtik kórset­kishpen shashasyna shań juqtyrma­dy. Bul – olım­pıadalyq rekord. Ońtústik Koreıa­nyń oǵylany Lı Seýn Hýn Kramerden eki sekóndt­ten astam ýaqyt qalyp qoıyp, kúmis medal­di oljalasa, Reseı sportshysy Ivan Skobrev úshinshi túǵyrǵa taban tiredi. Qazaqstannyń týy astynda óner kórsetken Dmıtrıı Babenkonyń da qarqyny jaman bolǵan joq. Onyń ýaqyty - 6:31,19. Osy nátıjeniń arqasyn­da jerlesimiz 15-orynǵa taban tiredi. Sondaı-aq, shańǵymen tuǵyrdan sekirýshiler men short-trek sheberleri de kúsh synasty. Alǵash­qy sport túrinen eki jerlesimiz óz múmkindikterin baıqap kórdi. “K-90” jattyǵýy boıynsha Nıkolaı Karpenko-29 jáne Alekseı Koro­lev – 44 oryn­dy ıelendi. Bul saıysta shveı­sarııalyq Sımon Ammann top jarsa, polshalyq Sımon Adam men germanııalyq Gregor Shlıren­saýer júldegerler sanatyna qosyldy. Short-trekten qazaq­stan­dyqtar arasynan básekege túsken eshkim bolmady. Al 1500 metr­lik básekede júldeli úsh oryn­dy koreıalyq Lı Djýn Sý, amerıkalyq – Apolo Anton Ono jáne Djeı Selskı ózara bólisti. Keshe Qazaqstannyń sport­shy­lary bıatlonnan 10 shaqy­rym­dyq sprıntte jáne frıstaıl­­dan synǵa tústi. Bıatlonshylar arasynda jasyndaı jarq etken eshkim bol­mady. Eń úzdik kórsetkishke Iаn Savıskıı qol jetkizdi. Ol 39-oryn alsa, Aleksandr Chervıakov, Dıas Keneshev jáne Nıkolaı Braı­chenko­nyń nátıjeleri tipten tómen. Frıstaı­ldan (mogýl) Dmıtrıı Reıherd pen Dmıtrıı Barmashov kúsh synasty. Bar­mashov bastapqy synda súrinse, Reıherdtiń áý bas­taǵy shabysy kóńilden shyqty. Biraq álem kýbogynyń kezeńderinde jaqsy óner kórsetip júrgen jas  tórt­jyldyqtyń basty jary­­synda ońbaı súrindi. Van­kýverde Reıherd 18-oryndy mise tutty. Koman­dalyq esepte ázirge Fransııa quramasynyń kóshi ilgeri. Fran­sýzdar 2 altyn jáne 1 qolaǵa ıelik etti. Ekinshi oryndaǵy Ger­manııanyń enshisinde 1 altyn men 3 kúmis. AQSh 1 altyn 2 kúmis jáne 3 qolany oljalasa, odan keıingi satylarda Kanada men Ońtústik Koreıa. Bul komandalar túrli-tústi medaldardyń árqaı­synan bir-birden qorjynǵa saldy. Ǵalym SÚLEIMEN,  arnaıy “Egemen Qazaqstan” úshin – Vankýverden.