Saltanatty sharanyń shymyldyǵy Qazaqstan Respbýlıkasynyń Ánuranymen ashyldy. Qaladaǵy №3 jalpy orta bilim beretin mektepte ótken sharada mektep dırektory Nurjan Ahmetqalıev oqýshylar men ustazdardy, mektep bitirýshi túlekterdi quttyqtady.
- Bıylǵy oqý jyly dana, fılosof Shákárim Qudaıberdiulynyń týǵanyna 160 jyl, ánshi Ámire Qashaýbaevtyń 130 jyldyǵymen tuspa tus keldi. Bizdiń oqýshylarymyz bıylǵy oqý jylynda úzdik bilim sapasyn kórsetti. Iаǵnı mektep boıynsha bitirgen 770 oqýshynyń, 112-si úzdik, 318-isi oqý ekpindisi atanyp otyr. Barlyǵy da bizdiń ustazdarymyz ben oqýshylarymyzdyń aıanbaı tókken teriniń, bilim jolynda ólsheýsiz sińirgen eńbekteriniń jemisi.
Sodan keıin ata-analar men túlekterge de sóz berildi. Osy №3 jalpy orta bilim beretin mektepke 40 jyl tolýyna oraı, onyń 1989 jylǵy túlegi, tarıh ǵylymdarynyń doktory, Shákárim atyndaǵy memlekettik ýnıversıtetiniń rektory Meıir Eskendirov sóz alyp, sońǵy qońyraý saltanatymen quttyqtady:
- Qurmetti ustazdar qaýymy, ata-analar jáne mektep bitirýshiler, sizderdi sońǵy qońyraý merekesimen quttyqtaımyn. Túlekterge jańa ómirge joldama alyp, Uly Abaı atamyz aıtqandaı «sen de bir kirpish dúnıege, ketigin tap ta bar qalan» dep, bolashaqta el úshin eńbek etetin azamat bolyp shyǵýlaryńyzǵa tilektespin. Bıyl Elbasy Nursultan Nazarbaev «Prezıdenttiń bes áleýmettik bastamasy» Úndeýin barsha qazaqstandyqtarǵa joldady. Bul jaı aıtyla qalǵan oı emes, halyqtyń ál-aýqatyn jaqsartý jáne áleýmettik reformalardy ýaqyt talabyna saı júzege asyrýǵa arnalǵan baǵdarlama. Osy bilim ordasynyń túlegi retinde, altyn uıa mektebimniń únemi gúldenip, kórkeıýi men úshin úlken mártebe. «Jumyla kótergen júk jeńil» demekshi «Bir maqsaty, bir múddesi, bir bolashaǵy» bar el bolamyz dep jarqyn bolashaqqa umtylýdamyz. Keler oqý jylynda osy mektepten sportshy jastar shyǵý úshin, stadıonyn jańartý sııaqty áleýmettik kómekterdi de jasaý josparymyzda bar.
Bul kúnderi adamzat balasynyń ǵarysh álemine, ozyq tehnıka, tehnologııa salasyna degen qyzyǵýshylyǵy kún saıyn artyp keledi. Jaqynda Shákárim atyndaǵy memlekettik ýnıversıtetiniń rektory Meıir Eskendirovtyń bastamasymen, bilim bóliminiń muryndyq bolýymen quny 830 myń teńge turatyn «Robot-qurastyrylǵysh LEGO» tehnıkasy osy mektepke syıǵa tartylǵanyn da aıta ketý kerek.
Jıyn barysynda bıylǵy oqý jylynda ǵylymı jarystarǵa, sporttyq sharalarǵa, sondaı-aq, halyqaralyq konferensııalarǵa qatysqan ustazdar men oqýshylarǵa dıplomdar men alǵys hattar tapsyrdy. Sondaı alǵys hatqa ıe bolǵan ustazdyń biri, 3 «A»synyp jetekshisi Baıan Nurǵalıeva «BJS» tehnologııasy boıynsha joǵary jetistikke jetip otyr eken.
Jıynda túlekter «Mektep bitirýshiler valsin» bıledi. Shara sońynda mekteptiń oqýshylary ánder oryndap, túlekter aspanǵa túrli-tústi sharlar ushyrdy.
Raýshan NUǴMANBEKOVA,
sýretter avtordyki.
SEMEI