Tegin ambýlatorlyq dárimen qamtamasyz etý máselelerine arnalǵan baspasóz máslıhaty ótti

Sharaǵa Densaýlyq saqtaý mınıstrligi Farmasııa komı­tetiniń tóraǵasy Lıýdmıla Bıý­ra­bekova, «SQ-Farmasııa» JShS basqarma tóraǵasynyń min­de­tin atqarýshy Berik Shárip, Ult­tyq dárilik zattardy saraptaý or­ta­lyǵy bas dırektorynyń birinshi oryn­basary Arnur Nurtaev, son­daı-aq Dárilik zattardy jáne me­dısınalyq tehnologııalar­dy utymdy paıdalaný ortalyǵynyń basshysy Ádilet Tabarov qatysty.

О́z sózinde Densaýlyq saq­taý mınıstrligi Farmasııa komı­te­tiniń tóraǵasy L.Bıýrabekova qa­zaq­standyqtardy dárimen qam­ta­ma­syz etý úshin memleket tarapy­nan bólingen qarajat týraly aıtty.

«Memleketten dárimen tegin qamtamasyz etýge bólinetin qar­jy jyl saıyn artyp keledi. Qazaq­standyqtardy tegin medısınalyq kómektiń kepildik berilgen kóle­mi sheńberinde dárimen qamta­ma­syz etý úshin 2018 jylǵa 200,2 mlrd teńge bólindi. Onyń ishin­de ambýlatorlyq dárimen qamta­ma­syz etýge 124,7 mlrd teńge bó­lin­di», dep atap ótti L.Bıýrabe­kova.

Sondaı-aq Farmasııa komı­te­tiniń tóraǵasy pasıentterdiń qan­daı aýrýlar kezinde tegin ambýlatorlyq dárimen qam­ta­ma­syz etýge ıe bolatynyn aıtty. Onyń aıtýynsha, tizimde mun­daı aýrýlar 40-tan artyq, al olar­dyń árqaısysy úshin belgili bir dáriler bar, dıspanserlik esepte turǵan naýqastar tegin ala alady.

L.Bıýrabekova pasıentterdi dá­rilik zattarmen qamtamasyz etil­meýiniń de sebepterine toq­tal­dy.

«Ambýlatorlyq dári­men qamtamasyz etýdi ortalyq­tan­dyrý, barlyq medısınalyq uıym­dar óziniń dıspanserlik pasıent­terin qatań túrde esepke almaıtynyn anyq kórsetti. Osyǵan baılanysty durys emes ótinimder qalyptasady, sonyń saldarynan dári-dármekterdi jóneltý kestege saı júrgizilse de, barlyq pasıentter der kezinde dárilermen qamtamasyz etilmeıdi», dedi ol.

«SQ-Farmasııa» JShS bas­qar­ma tóraǵasynyń mindetin atqa­rýshy B.Shárip aǵymdaǵy jaǵ­daı boıynsha mamyr aıyna me­dısınalyq uıymdarǵa josparly túrde dárilik zattardy jóneltý tolyǵymen aıaqtalǵanyn, al keı­bir óńirlerde maýsym aıynyń pere­parattarǵa qajettiligin jó­neltý bastalǵanyn baıandady.

«El boıynsha 30 mamyrdaǵy jaǵdaıǵa sáıkes barlyǵy 74 mlrd teńgege dári-dármekter jó­nel­tildi. Sonyń ishinde stasıonarlyq medısınalyq kómekke arnalǵan dári-dármekter aǵymdaǵy jyldyń bes aıynda – 99 paıyz (34,2 teńge somaǵa), ambýlatorııalyq dárilik qamtamasyz etý úshin 97 paıyz (39,8 mlrd teńge) jóneltildi», dedi B.Shárip.

Ulttyq dárilik zattardy sa­raptaý ortalyǵy bas dırek­torynyń birinshi orynbasary A.Nurtaev tegin ambýlatorlyq dá­rimen qamtamasyz etý úshin satyp alynatyn barlyq preparattar elimizde tirkelgenin, ıaǵnı olardyń sapasy, tıimdiligi jáne qaýipsizdigi týraly qorytyndylar alynǵanyn habarlady. Sondaı-aq ol preparattardyń janama áserleri anyqtalǵan jaǵdaıda, naýqastar men emdeýshi dári­ger­lerge Ulttyq dárilik zattar­dy saraptaý ortalyǵynyń saıtyndaǵy tıisti nysandy toltyrýdy usyn­dy.

Raýan QAIDAR,

«Egemen Qazaqstan»