Ádemilikti jyrlaǵan áriptes – Baqbergen Amalbekov

Dosym, áriptesim sol qaǵı­datyn «Egemen Qazaqstan» gaze­tindegi shırek ǵasyrlyq jumy­synda únemi jalaýlatýmen boldy. 1992-2017 jyldar ara­lyǵynda Kókshetaý, Soltústik Qazaqstan, Aqmola oblystarynda bas basylymnyń menshikti tilshisi jaýapkershiligin arqa­laı júrip, tálim-taǵylymy mol san janrda oqyrmanyn tol­ǵandyra bildi. Baqbergen Amalbekovtiń «BAQ salasynyń úzdigi», «Mádenıet qaıratkeri», Qazaqstan Jýrnalıster odaǵy syılyǵynyń laýreaty atanýy, birneshe medalmen marapattalýy adal eńbektiń aqtalǵan­dyǵyn ańǵartady.

Qazaqstan Jýrnalıster odaǵynyń múshesi B.Amalbekov «Qarjy polısııasynyń qary­my», «Kerimsal» (poezııa), «Álem­ge ádemi qarańyz», «Qaıy­ǵyn qısaıtpaǵandar qaǵıdaty», «Syryn uǵý álemniń – túzýimen sálemniń» atty kitaptardyń avtory. Ol sondaı-aq «Zerendi kóktemi» jas aqyndar jınaǵyn qurastyryp, qart aqyn Másh­húrbek Amanjolovtyń «О́tken kúnder órnegi», Kárim Júsip­bekovtiń «Sónbes sáýle» kitap­taryn ádebı óńdep, baspaǵa daıyndady. Aýdarma óleńderi «Orys poezııasynyń antologııasyna» engenin de aıta ketkimiz keledi. Onyń ystyq yqylasty pikir-tilekteri Qazaq­stannyń Tuńǵysh Prezıdenti N.Á.Nazarbaevtyń 70 jyldy­ǵyna arnalǵan kitapqa engen. Sond­aı-aq ol Qazaqstan halqy Assambleıasy Aqmola bólimshesi ánuranynyń qazaqsha mátininiń avtory. Qazirgi kúni oblys pen qalanyń qoǵamdyq sharalaryna belsene qatysýda.

Zeınet jasyndaǵy árip­te­simizdiń jaqynda ja­ryq kór­gen «Álemge ádemi qara­ńyz», «Syryn uǵý álemniń – túzýimen sálemniń», «Qaıyǵyn qı­saıtpaǵandar qaǵıdaty» ata­latyn kitaptary «Egemen Qa­zaq­standaǵy» jarqyn kún­der­diń oqyrman aldyndaǵy ádemi esebi sııaqty tátti áser qal­dyrady. Bul shyǵarmalarda tushymdy maqalalar, syrshyl suhbattar, taǵylymdy ocherk­ter toptastyrylǵan. Munda ózekti taqyryptar órilip, áde­mi ómir súrý úshin álemge ádemi qaraı bilý kerektigi ushqyr oı, kórkem tizbelermen jatyq baıandalady.

Kitaptar qalyń oqyrmannyń paıymyn keńeıtip, jas jýr­nalısterdiń kásibı shyńdalýyna septesedi degen oıdamyz.

Qorǵanbek AMANJOL, «Egemen Qazaqstan»