Oralda mamandandyrylǵan halyqqa qyzmet kórsetý ortalyǵy ashyldy

Endi oraldyqtar avtomobıl kóligin tirkeý, júrgizýshi kýáligin alý nemese aýystyrý boıynsha memlekettik qyzmetterdi osy jerden ala alady. Ortalyqtyń ashylý saltanatyna «Azamattarǵa arnal­ǵan úkimet» memlekettik kor­­po­rasııasynyń basqarma tóra­ǵasy Abylaıhan Ospanov jáne oblys ákimi Altaı Kólginov qatysty.

– Azamattar 90 mınýttyń ishinde kólikterin tirkep, júrgizýshi kýáligine 2 saǵat­tyń ishinde qol jetkize alady. Qujattardyń osyndaı qys­qa merzimde jasalýy bıznes-prosesterdiń avto­mattan­dyrylyp, bir keshen aýmaǵyndaǵy qyzmetterdiń usy­nylýynyń arqasynda múmkin bolyp otyr. Komıs­sııa tekserisinen de osy ǵıma­rattan shyqpaı-aq ótýge bolady, psıhıatr, narkolog sııaqty mamandardyń arnaıy kabınetteri de qaras­tyrylǵan, dedi A.Os­panov.

Bul jerde júrgizýshi kýáligin alý úshin qajetti qyzmet túgel jınaqtalǵan. Mysaly, kelýshi teorııalyq emtıhandy tapsyrý synybynda testileýden ótedi. Júrgizýshi kýáligin alýǵa ar­­nalǵan praktıkalyq sy­naqty úmitkerler arnaıy avtomattandyrylǵan avtodromda tapsyrady. Júrgizýshi qashyqtyqty ózdiginshe ótedi, al elektrondy júıe emtıhan tapsyrýshynyń baǵasyn avtomatty túrde shyǵarady. Baǵdarlamada 12 jattyǵý bar. Synaqtan ótken adamnyń qujaty birden júrgizýshi kýáligin daıyndaý bólmesine jiberiledi. «Bul emtıhan tap­syrý kezindegi «adamdyq faktordy» jáne sybaılas jem­qorlyq táýekelderin toly­ǵymen joqqa shyǵarady» deı­di A.Ospanov. 

– Bul ortalyqtyń bas­ty ereksheligi – avtokólik ıeleri úshin qujattaryn retteýge barlyq jaǵdaı bar. Elektrondy kezek, tólem kassalary, medısınalyq tek­serýden ótý bólmesi, avto­saqtandyrý, taǵy basqa qu­jat­tar bir shańyraqta jasalady. Ortalyq tańǵy 9-dan keshki 8-ge deıin úzilissiz isteıdi. Bul qyzmetterdiń bekitilgen reglamentteri bar, ol buzylǵan jaǵdaıda qatań shara qoldanylatyn bolady. Jańa ǵımarattyń aýdany 2500 sharshy metrdi quraıdy. Munda azamattardyń qujat­taryn qabyldaýǵa arnal­ǵan 15 jumys orny bar. So­nymen qatar kólik saly­ǵyn jáne jol júrý ereje­lerin buzǵan avtokólik ıe­leri aıyppuldaryn «Connectionpoint» ózine-ózi qyzmet kórsetý sektorynda onlaın tóleı alady, deıdi «Azamattarǵa arnalǵan úki­met» memlekettik korporasııasy Qoǵammen baılanys departamentiniń dırektory Murat Jumanbaı. 

Oral qalasynyń ákimi Murat Muqaevtyń aıtýynsha, bul ǵımarattyń qurylysyna 1 mlrd teńge kóleminde jeke ınvestısııa tartylǵan.  – Bolashaqta bul jerde aýmaǵy 12 gektar bolatyn kóliktik-logıstıkalyq ortalyq qurylady, deıdi shahar basshysy. 

Aıta ketý kerek, buryn kólik qujattaryn tirkep, júrgizýshi kýáligin beretin oryn tar ǵımaratta boldy. Kólik qujattaryn retteý bir­neshe kúnge sozylatyn. En­di oblystyń kez kelgen tur­ǵyny osy jerde birer saǵattyń ishinde kýálik alyp, kólik tirketip kete beredi.

«Azamattarǵa arnalǵan úkimet» memlekettik korporasııasy Qoǵammen baılanys departamentiniń dırektory M.Jumanbaıdyń aıtýynsha, 2018 jyldyń alǵashqy 4 aıyn-

da Qazaqstannyń ma­man­dandyrylǵan ha­lyq­qa qyzmet kórsetý or­ta­lyqtarynda 161 780 júr­gi­zýshi kýáligi berilip, 592 346 avtokólik tirkelgen eken. Al Batys Qazaqstan oblysy aýmaǵynda 194 940 kólik qu­raly tirkelgen, onyń 102 560-y Oral qalasynda. Jyl saıyn jańadan tirkelgen kólik sany kóbeıe túsýde, mysaly, Oral qalasynda 2017 jyly – 31 945 kólik, bı­yl­ǵy 5 aıda 13 428 kólik tir­­­kelgen. Al 2017 jyly 22 143 júrgizýshi kýáligi beril­gen bolsa, bıyl 5 aıda 10 645 kýálik berildi. Jańa orta­lyq kúnine 250 qyzmetke deıin, al aıyna 6 myń qyzmet kór­setýdi josparlap otyr. 

Qazbek QUTTYMURATULY, «Egemen Qazaqstan»

Batys Qazaqstan oblysy