Astanda aýa raıynyń buzylýyna baılanysty qala ákimdigi turǵyndar men qonaqtarǵa eskertý jasady, - dep habarlaıdy qala ákiminiń baspasóz qyzmeti.
"8 maýsymda ońtústik-batystan soltústik-batysqa qaraı kóshpeli jel soǵady, ekpini 15-20 m/s, ýaqyt óte 23 m/s kúsheıedi. Tańerteń jáne kúndiz naızaǵaı, daýyl, shańdy daýyl, burshaq jaýýy múmkin", - dep habarlaıdy elorda ákimdiginiń resmı saıty", - delingen "Qazgıdromet" RMK habarlamasynda.
Osyǵan baılanysty Astana Tótenshe jaǵdaılar departamenti elordanyń turǵyndary men qonaqtaryna eskerý jasap, saqtandyrdy:
- muqııat bolyńyz, aýa raıynyń ózgerýi týraly aqparatty jáne engizilgen shekteýlerdi jiti qadaǵalańyz;
- kóshede baǵandardan, aǵashtardan, jarnamalardan, EJJ jáne symdardan alys júrýge tyrysyńyz;
- páter men úılerde barlyq terezelerdi nyq jabyńyzdyr;
- jeke avtokóligińizdi aǵashtar men eski qurylystardan alys qoıyńyz;
- qurylys obektileri qolaısyz aýa raıy jaǵdaıy áserinen aýmaqtardy jáne turǵyndardy qorǵaý, qurylys alańdarynda múmkindiginshe qurylys-montaj jumystaryna shekteý boıynsha qosymsha sharalardy qabyldaý qajet.
- eger daýyl ǵımaratqa deıin soqsa terezeden alystaý ketip, qaýipsiz jerge, dálizge, bekem ornatylǵan shkaftyń qasyna baryp turyńyz.
Elektroenergııany tok kózinen ajyratyp, gaz jelisindegi qubyrdy jabyńyz. Shańdy daýyl kezinde betińizdi dákemen, oramalmen, mata qıyndysymen búrkemelep alyńyz, al kózińizge kózildirik taqqan durys.
Tótenshe jaǵdaı týyndaǵan jaǵdaıda 112 nómirine qońyraý shalyńyz!