Astananyń 20 jyldyǵy qarsańynda Qazaqstan Respýblıkasy Mádenıet jáne sport mınıstrligi Halyqaralyq «Nur kelbetti Astana» atty kórkemsýret festıvali uıymdastyrylmaq. Sonyń qarsańynda Mádenıet jáne sport mınıstrligi baspasóz máslıhatyn ótkizdi.
Konferensııaǵa Ǵ.Músirepov atyndaǵy balalar men jasóspirimder teatrynyń dırektory Sábıt Ábdihalyqov, bas uıymdastyrýshy Sultan Sraılov, brıtanııalyq sýretshi Aleksandra Konnor men japonııalyq qylqalam sheberi Akıra Mýrata qatysty.
«Bul is-sharaǵa AQSh, Brazılııa, Úndistan, Reseı, Koreıa, Japonııa, Eýropa elderinen 250 sýretshi ózderiniń týyndylaryn usyndy. Sonyń ishinen 20 sýretshi ǵana tańdalyp alyndy. Maýsymnyń 5 kúni sýretshiler Astanaǵa kelip, 6-sy kúni qalamyzdyń kórkem jerlerin aralady» , - dedi, joba avtory Sábıt Ábdihalyqov.
Sýretshiler elorda jazynyń shýaqty kúnderinde qalamyzdyń kórikti jerlerin, arhıtektýralyq ǵımarattaryn, óner, bilim, mádenıet oshaqtaryn jáne kórinisi kóz tartatyn ǵajap tabıǵat aıasyn beıneleýdi bastap ketti. Qazir Astana ákimdiginiń mańaıyn 1 sýretshi, Esil ózeniniń jaǵasyn 2 sýretshi qaǵaz betine túsirý ústinde. Mysaly, Italııa men Koreıa batys jáne shyǵys stıli bop ekige bólingendikten Astanany basqa qyrlarynan kórsetpek.
Brıtanııadan kelgen sheber sýretshi Aleksandra Konnor: «Men Astanaǵa birinshi ret kelip turmyn. Qalanyń ásemdigi meni tańǵaldyrdy. Maǵan oń jaǵalaý qatty unady. Sondyqtan aq aǵazǵa beınelep jatyrmyn. Al oǵan deıin búrkit ustap turǵan er adamnyń sýretin saldym» dese, Tokıodaǵy «Vasenoir» jeke galereıasynyń ıegeri, NDS Japan Fashion Illustration baıqaýynyń jeńimpazy Akıra Mýrata; « Astana men Tokıo uqsas eken. Men Astanaǵa ǵashyq boldym» dep sózin qysqa qaıyrdy.
Is-shara 12 maýsym qorytyndylanyp, nátıjesinde kórkemsýret týyndylary Qazaqstan Respýblıkasy Ulttyq mýzeıi qoryna tabystalatyn bolady.
Azamat MÁÝLENULY