S. Toraıǵyrov atyndaǵy memlekettik ýnıversıteti Agrotehnologııa fakýltetiniń zootehnologııa, genetıka jáne seleksııa kafedrasynyń stýdentteri endi óńirdegi Sharbaqty aýdany, Orlovka aýylynda ornalasqan «Pobeda» seriktestiginde oqyp bilim alady.
Agrotehnologııa fakýltetiniń fılıaly retinde jumys isteıtin «Aýyl sharýashylyq mamandyqtaryna arnalǵan dýaldy bilim berý oqý ortalyǵy» seriktestik dırektory Aleksandr Polıakov pen fakýltet dekany, professor Toqtar Bekseıitovtiń bastamasymen ashyldy. Bul kúni ortalyqta «Mal sharýashylyǵy ónimderin óndirý tehnologııasy» mamandyǵy boıynsha bilim alatyn stýdentter aýylǵa kelip, dıplomdyq jumystaryn qorǵady.
О́ńirdegi «Pobeda» JShS- órkenıet jolyna túsken jańashyl, damyǵan kásiporyn. Biz de seriktestikti aralap kórdik. Kásiporyn jańashyl tehnologııalar men zamanaýı quraldarmen jumys jasaýda. Mal azyǵyn ázirleý úrdisi tolyq avtomattandyrylǵan.
- Oqý ortalyǵynda jyl boıy 10-15 stýdentten turatyn toptar bilim alady. Oqý barysynda jastarǵa teorııalyq bilim berý úrdisine oqytýshylar qatysyp, tájirıbelik jaǵynan kásiporyn mamandary úıretedi. Stýdentter úshin turmystyq jaǵdaılar jasalǵan, synyptar daıyn, jattaqhana bar,- deıdi Toqtar Bekseıitov.
Ýnıversıtettiń Agrotehnologııalyq fakýlteti aýyl sharýashylyǵy ǵylymy men bilim berýde kásibı mamandardy daıyndaıdy. Fakýltet aýyl sharýashylyǵy ónimderin qaıta óńdeý men óndirý salasyna arnalǵan bes mamandyq túrin daıarlaıdy.
Ortalyqtyń ashylýyna, elimizdiń Aýyl sharýashylyǵy mınıstrliginiń «Ulttyq agrarlyq ǵylymı-bilim berý ortalyǵynyń» Bilim berý departamentiniń dırektorynyń mindetin atqarýshy, professor Baqyt Nasyrhanova qatysty.
- Bul búgingi kúnniń talaby bilim, ǵylym jáne óndiristi ushtastyrý degen maqsattyń naqty júzege asýy degen sóz. Aýyldaǵy «Pobeda» JShS-te ashylǵan agrarlyq oqý ortalyǵynyń ashylýy ózgelerge de qajet dep oılaımyn. Jastardy aýylǵa, aýyl sharýashlyq salasyn eńbek etýge shaqyrýmyz úshin osyndaı jaqsy bastamalar, órkenıetti jobalar jasaýymyz kerek,-deıdi Baqyt Nasyrhanova.
Farıda BYQAI,
«Egemen Qazaqstan»
Pavlodar oblysy,
Sharbaqty aýdany,
Orlovka aýyly
Sýretterdi túsirgen Rýfına Torpısheva