Otpen kúresken on jeti jyl

Ol 1997 jyly Aqmola agrar­lyq ýnıversıtetiniń ınje­nerlik-pe­dagogıkalyq fakýltetin bitir­gen soń Soltústik Qazaqstan ob­lysynyń Selınnyı aýda­nyn­daǵy Stavropolka aýylyn­da «Namys» JShS-nyń mashına-traktor parkin paıdalaný jónindegi ınjener bolyp eńbek jolyn bastady. Odan soń Rýzaev atyndaǵy №12 kásiptik-tehnıkalyq mek­­tebin­de jol erejesi men tehnı­ka qaýipsizdigi negizderi pá­ni­nen sabaq berdi. Sóıtip júr­gen­de Soltústik Qazaqstan ob­lysy Memlekettik órtke qar­sy qyzmet basqarmasynyń Se­lınnyı aýdany, Rýzaev selosyndaǵy 16-О́SB-ne órttiń aldyn alý ınspektory qajet bolyp jatqany týraly habardy estıdi. Al Leonıdtiń Aqmola agrarlyq ýnıversıtetinde áskerı kafedrany bitirgendikten, leıtenant sheni bolatyn. Sóıtip joǵary bilimi men ofıserlik ataǵy bar bolǵandyqtan, barlyq talaptarǵa sáıkes kelip, 2000 jyly qyrkúıekte ol órttiń aldyn alý tobynyń ınspektory re­tinde qyzmetke ornalasty. Bul onyń ishki ister salasyndaǵy eńbek jolynyń bastaýy bolatyn. Leonıdtiń alǵashqy tike­leı jetekshisi jáne ustazy, sol kez­de Rýzaev selosyndaǵy órt­ten qorǵaý beketiniń bastyǵy bol­ǵan ishki qyzmet maıory V.Galıýkevıch edi. Leonıd tálimgerdiń kómegimen normatıvtik qujattamalardy úırene otyryp, jańa kásipti tez arada ıgerdi. Ol qysqa merzim ishinde órttiń aldyn alý salasy boıynsha bilikti mamanǵa aı­naldy. «Memlekettik órt ba­qy­­laýdyń úzdik ınspektory» ata­ǵy­na arnalǵan oblystyq baı­qaý­larǵa birneshe márte qatysyp, jarys jeńimpazy atandy.

Kásibı deńgeıin odan ári kóterý úshin Leonıd 2002 jyly TJM Kókshetaý tehnıkalyq ınstıtýtyna túsip, 2005 jyly ony jaqsy aıaqtap, ekinshi joǵary bilim aldy. Al 2008 jyldan beri Leonıd Aleksandrovıch Ǵabıt Músirepov aýdanyndaǵy Rýzaev órt beketin basqaryp keledi.

Azamattyq qorǵaý maıory L.Mýnko osy jyldar ishinde 300 ret ártúrli órt oqıǵalaryna qa­tysty. Keıde órtti jalǵyz ózi són­dirgen kezderi de bolǵan. 2016-2018 jyldary óz aımaǵyndaǵy sý tasqynynyń saldaryn joıýǵa da bir kisideı atsalysty.

Alǵashqy kúnderden bas­tap órt sóndirý qyzmeti bas­shy­ly­ǵy men áriptesteri Leonıd Mýn­kony jaýapty da óz isin ur­shyqsha ıiretin azamat retinde bi­ledi. Áriptesteri arasynda ol qur­metke laıyq, birge qyzmet ete­tin jáne óz qaramaǵyndaǵy árip­testerine árdaıym kómek kór­setýge daıyn. Birneshe ret onyń eńbekqorlyǵy men kásip­qoı­lyǵy, qyzmettik boryshyn adal atqarýy, sondaı-aq aýyl­dyq okrýgtiń ómirine bels­en­di qatysqany elenip, dıp­lom­darmen jáne medaldarmen marapattaldy.

Andreı SIHOVICh 

Soltústik Qazaqstan oblysy