Túrkistan oblysynyń ákimi Janseıit Túımebaevtyń ókimimen QR Prezıdenti ákimshiliginiń jáne Túrkistan qalalyq máslıhatynyń kelisimimen Túrkistan qalasy ákimi laýazymyna Álipbek Sháripbekuly О́serbaev taǵaıyndaldy. Oblys basshysy qala aktıvin oblys ortalyǵy bolyp Túrkistan qalasynyń bekitilýimen quttyqtap, shahar basshysyn tanystyrdy.
О́ńir basshysy Janseıit Qanseıituly tarıhı ári syndarly kezeńde Túrkistan qalasynyń ákimine jáne ákimdik qurylymdaryna artylatyn jaýapkershiliktiń júgi aýyr ekenin jetkizdi.
«Túrkistanǵa «tek qazaq eliniń ǵana emes, búkil túrki jurtynyń zııarat jasaıtyn qasterli orny», - dep baǵa bergen Elbasy onyń rýhanı ómirinde Qoja Ahmet Iаsaýı kesenesiniń úlken orny bar ekenin, tarıhy tereń Túrkistannyń týrızm úshin de mańyzdylyǵy erekshe ekendigin jáne qalanyń toǵyz joldyń torabynda ornalasýy syrtqy jáne ishki týrıster men jergilikti turǵyndar úshin qolaıly ekendigin basa aıtty, demek osy múmkindikterdi tıimdi paıdalaný qajet», - dedi oblys ákimi.
Sondaı-aq, qala ákimine Túrkistan qalasynyń Bas josparyn tezdetip ázirleýdi, zaman talabyna saı qalanyń damý dınamıkasyn odan ári arttyrýǵa qajetti baǵyttardy jetildirýdi jáne turǵyndar men týrısterge qolaıly jaǵdaı jasaý maqsatynda qalanyń ınfraqurylymyn qalyptastyrýdy tapsyrdy.
Budan ózge, óńir basshysy shahar basshysyna ındýstrıaldy aımaqta ornalasatyn ınnovasııalyq-ınvestısııalyq jobalardy kóptep tartý, shaǵyn jáne orta bıznesti jetildire otyryp, óndiristi damytý, qalanyń logıstıkalyq múmkindigin arttyrý, qalany týrızm ortalyǵy retinde damytý boıynsha naqty sharalardy qabyldaý qala ákiminiń basty ustanymy bolýy kerektigin aıtty. Aıta keteıik, Álipbek О́serbaev 1961 jyly týǵan, bilimi joǵary, mamandyǵy boıynsha biliktiligi ınjener-hımık-tehnolog.
Eńbek jolyn 1983 jyly Qaraǵandy asbest-sement ónimderin shyǵaratyn zaýytynyń mashınısti retinde bastaǵan.
1986-2014 jyldary Túrkistan qalasy qurylys detaldary men konstrýksııalary kombınaty zerthanasynyń ınjeneri, masteri, ekonomısti, seh bastyǵy, bas ınjeneri, «Qýat Sýındýstrııa» AQ, «KazakhConstruction Industry» AQ Túrkistan qalasy rýdasyz materıaldar kombınaty fılıaldarynyń dırektory, Túrkistan qalalyq máslıhaty hatshysynyń mindetin ýaqytsha atqarýshy, Túrkistan qalasy qurylys bóliminiń meńgerýshisi, Kentaý, Túrkistan qalalary ákimderiniń orynbasary, Túrkistan qalasynyń ákimi, oblystyq kásipkerlik jáne ındýstrııaldy-ınnovasııalyq damý basqarmasynyń basshysy, Ońtústik Qazaqstan oblysy Túrkistan qalasynyń ákimi bolyp laýazymdaryn atqarǵan. 2017 jyldyń jeltoqsan aıynan bastap Ońtústik Qazaqstan oblysy ákiminiń birinshi orynbasary laýazymynda qyzmet etip keldi.