«Nur Otan» partııasy Mańǵystaý oblystyq fılıaly memlekettik qyzmetshilerdi jáne ishki ister organdary men tártip saqshylaryn kásibı merekesimen quttyqtap, marapattady. Beıresmı sharaǵa «Nur Otan» partııasy Mańǵystaý oblystyq fılıalynyń qyzmetkerleri, partııa ardagerleri, qoǵamdyq keńes músheleri, qoǵam qaıratkerleri, memlekettik qyzmetkerler, «Jas Otan» JQ músheleri, polısııa qyzmetkerleri jáne BAQ ókilderi qatysty.
Sharany júrgizgen «Nur Otan» partııasy Mańǵystaý oblystyq fılıalynyń tóraǵa orynbasary Tumyshev Nurı Lazaruly memlekettik qyzmetkerler men polısııa qyzmetkerlerin kásibı merekesimen quttyqtady.
-Oblystyń qarqyndy damýy sizderdiń mamandyqtaryńyzǵa, tájirıbelerińizge, umtylystar men jigerińizge tikeleı baılanysty. Búginde memlekettik qyzmetkerler úshin jaqsy jaǵdaı jasalyp, osyǵan sáıkes, talaptar da kúsheıe tústi. Tıisinshe, atqarylatyn isterdiń sapasy da jaqsara túsedi dep senemiz.
Qurmetti ishki ister organdarynyń qyzmetkerleri jáne tártip saqshylary! Sizderdi «23 maýsym – Qazaqstan polısııasy kúni» merekesimen quttyqtaımyz. Qoǵamdyq tártipti qalyptastyrý, el tynyshtyǵyn qorǵaý jolyndaǵy qajyrly eńbekterińizge sáttilik tileımiz. Árdaıym anttaryńyzǵa adal bolyp, el qorǵany degen ataqqa abyroıly qyzmet ete berińizder!, -dep jınalǵan qaýymǵa ystyq yqylasyn bildirdi.
Shara barysynda Mańǵystaý oblystyq basqarma basshylaryna sóz berilip, olardyń kásibı baspaldaǵy jóninde jáne basqa da rýhanı áńgimeler aıtyldy. M. О́skinbaıuly atyndaǵy Mańǵystaý oblystyq fılarmonııadan kelgen ónerpazdar kúı tartyp, án shyrqady.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy