«Nur Otan» partııasynyń Mańǵystaý oblystyq fılıaly «Nurly jer» memlekettik baǵdarlamasy aıasynda partııalyq tyńdaý otyrysyn ótkizdi. Otyrysqa Mańǵystaý oblystyq máslıhatynyń depýtattary, «Nur Otan» partııasy Mańǵystaý oblystyq fılıalynyń qyzmetkerleri, buqaralyq aqparat qyzmetkerleri qatysty.
Partııalyq tyńdaý otyrysyn «Qoljetimdi baspana» baǵyty boıynsha «Nur Otan» partııasy Mańǵystaý oblystyq fılıaly tóraǵanyń birinshi orynbasary, oblystyq máslıhat depýtaty Týmyshev Nýrı Lazaruly júrgizdi.
Otyrystyń basynda Memleket basshysynyń birinshi bastamasy «7-20-25» baǵdarlamasy boıynsha «Árbir otbasyna baspana alýdyń jańa múmkindikterin berý» týraly aıtyldy. Bul jóninde Mańǵystaý oblystyq fılıaly Ulttyq bank dırektorynyń orynbasary Sýgırov Nýrlan Altynbergenuly aıtyp berdi.
-«7-20-25» baǵdarlamasy Ulttyq Banki Basqarmasynyń 2018 jylǵy 31 mamyrdaǵy № 107 qaýlysymen «7-20-25. Árbir otbasyna baspana alýdyń jańa múmkindikterin berý» ıpotekalyq turǵyn úı kredıtteý baǵdarlamasy (budan ári – Baǵdarlama) bekitildi. Ústimizdegi jyldyń ekinshi jarty jyldyǵynda iske qosylady delingenmen, zańnama áli qabyldanǵan joq. О́ıtkeni baǵdarlama áli tolyq pisip jetilmegen, aıtylyp jatqan usynys pikirler de az emes. Olardyń barlyǵy qaperge alynatyn bolady. Baǵdarlama boıynsha resmı túrde nesıe beriler kezde Ulttyq Bank ınternet resýrsy arqyly jarııalanady jáne BAQ-ta arnalǵan brıfıng ótkiziletin bolady, -dedi ol.
Gúlaıym ShYNTEMIRQYZY,
«Egemen Qazaqstan»
Mańǵystaý oblysy