Batys Qazaqstan oblystyq Tótenshe jaǵdaılar departamenti sý jańa 28 tehnıkaǵa ıe boldy. Bulardyń bári de arnaıy daıyndalǵan, jol talǵamaıtyn, tótenshe jaǵdaı kezinde halyqqa der keznde kómek kórsetýge arnalǵan kólikter.
Aıta ketý kerek, tótenshelikterge bul syılyq Astana qalasynyń 20 jyldyǵy qarsańynda berilip otyr. Kólikter Oral qalasynda jaqynda ǵana Qazaqstan Respýblıkasynyń Tuńǵysh Prezıdenti ataýy berilgen alańda saltanatty jaǵdaıda tabys etildi. Batys Qazaqstan oblysy ákiminiń orynbasary Mırjan Satqanov sala mamandaryna jańa kólikterdiń kiltin tabys ete turyp, «tótenshe jaǵdaılar salasyn qajetti tehnıkalarmen jabdyqtaý bolashaqta da jalǵasady» dep atap ótti.
Tótenshelikterdiń avtoparkine qosylǵan 28 jańa arnaıy kóliktiń 18-i – ASA (Ýaz 390995-460-04), úsheýi – AS 5-40 Ýral 4320, bireýi – AL-32 Kamaz 43118, altaýy – «Hyundai» markaly jedel kólik eken.
Qazybek Quttymuratuly,
«Egemen Qazaqstan»
Batys Qazaqstan