Túrkııanyń joǵary saılaý komıssııasy eldegi prezıdenttik jáne parlamenttik saılaýdyń alǵashqy málimetterin jarııalady. Qazirge deıin daýystardyń 40 paıyzǵa jýyǵy sanalǵan.
Hurriyetdailynews.com saıty taratqan málimetke súıensek, sanalǵan daýystardyń 56,9 paıyzy qazirgi prezıdent Redjep Taıyp Erdoǵanǵa berilgen. Ekinshi orynda Mýharrem Inje tur. Oǵan elektorattardyń 28,4 paıyzy daýys bergen kórinedi.
Al parlamenttik saılaý boıynsha Ádilet jáne damý partııasy oq boıy ozyp tur. Oǵan 48,1 paıyz adam daýys bergen. Budan keıingi oryndaǵy Memlekettik halyq partııasyn 18,6 paıyz elektorat tańdaǵan eken.
Jalpy, Túrkııada 60 mıllıonǵa jýyq elektorat bar. Bıylǵy saılaýǵa sonyń 87,1 paıyzy qatysqan.
El aýmaǵyndaǵy saılaý ýchaskeleri jeksenbi kúni tańǵy saǵat segizde túgel ashyldy, al sheteldegi Túrkııa azamattary 19 maýsym kúni daýys berip qoıǵan.
Daýys berý Túrkııa ýaqytymen keshki saǵat 17.00-de (Astana ýaqytymen 20.00-de) aıaqtaldy. Saılaýdyń naqty qorytyndysy jergilikti ýaqytpen túngi saǵat 23.00-de belgili bolady dep kútilýde.
Aıta ketý kerek, saılaý nátıjesinde prezıdenttik saılaýdyń ekinshi týry ótýi múmkin. Sarapshylar qazirgi úmitkerler ishinde oppozısııa ókili, halyqtyq respýblıkalyq partııa múshesi Muharrem Indje Rejep Taıyp Erdoǵanmen birge ekinshi týrǵa ótýi múmkin ekenin, olaı bolǵan jaǵdaıda, saılaýdyń ekinshi kezeńi 8 shilde kúni ótetini boljanyp otyr.