Búginde Almaty oblysynda 438 meshit ımandylyq mekeni bolyp, múminderge esigin aıqara ashqan. Bul derekter Din isteri jáne azamattyq qoǵam mınıstri Darhan Kaletaevtyń Almaty oblysyna jasaǵan jumys sapary barysynda málim boldy.
Mınıstr oblys ákimi Amandyq Batalovpen birge oblystyq din isteri basqarmasynyń janynan ashylǵan ortalyqtardyń jumysymen tanysty. Ashylǵanyna kóp bolmaǵan din salasyndaǵy máselelerdi zertteý ortalyǵy men dinı ekstremızm qurbandary men destrýktıvti aǵym ustanýshylaryn ońaltý ortalyǵy qazirgi tańda ózekti jumys atqaryp otyr. Ásirese destrýktıvti aǵym ustanýshylarymen jeke jumys júrgizýdiń arqasynda teris dinı aǵym jeteginde júrgen jastardyń kózqarasyn ózgertip, qalypty ómirge oraltýǵa qol jetti.
Mınıstr saparyna oraı oblys ákimi Amandyq Batalov óńirde din salasynda atqarylyp jatqan jumystarǵa toqtalyp ótti. О́ńirde konfessııaaralyq turaqtylyq pen kelisimdi saqtaý baǵytynda nátıjeli jumys júrgizilýde. Al ózekti másele retinde ımamdardyń bilimin jetildirý men kadrlyq máselelerdi sheshý jaıy aıtyldy.
Esep boıynsha tirkelgen meshitterdegi 533 ımamnyń júz elý tórtinde ǵana joǵary dinı bilim bar. Al 88 din qyzmetkeri medrese bitirgen bolsa, arnaıy oqytý kýrstarynan ótkenderdiń sany – 219. Sondaı-aq orta bilimdi 71 ımam ýaǵyz aıtyp júr. Jalpy óńirde din mamandaryna degen suranys bar. Qazir oblystaǵy 11 meshitke ımam jetispeıdi eken.
Qalmahanbet MUQAMETQALI,
«Egemen Qazaqstan»
Almaty oblysy