Astana qalasynyń 20 jyldyq mereıtoıy qarsańynda, aldaǵy 6 shilde kúni Mádenıet jáne sport mınıstrligi, Ulttyq sport túrleri qaýymdastyǵynyń uıymdastyrýymen elorda irgesindegi «Qazanat» atshabarynda «Astana kýbogy» úshin báıge túrlerinen jarys ótedi.
Mınıstrliktiń ulttyq sport túrleri jónindegi sala mamandarynyń aldyn ala taratqan málimetine júginsek, elordanyń dataly toıyna oraılastyryp otyrǵan jarysta júırikter eki qashyqtyq boıynsha (alaman jáne top báıge) synalady. Jarystyń jalpy júlde qory – 20 mıllıon teńge. Ony usynýshy – Astana qalasynyń ákimdigi.
Sonymen qatar 25 shaqyrymdyq alaman báıgeden ozyp kelgen at ıesine sáıgúligin durys baptap, ozdyrǵany úshin jekeleı 6,6 mıllıon teńgeniń syıaqysy berilmek. Bul jarystarǵa barlyq oblystar men Astana, Almaty, Shymkent qalalary 2 júırikten qosa alady.
Beken QAIRATULY, «Egemen Qazaqstan»