25 qańtar – Elbasy N.Nazarbaev Nıý-Iorkte shyǵatyn 5,6 mıllıon oqyrmany bar «Businesweek» jýrnalyna suhbat berip, elimizdiń táýelsizdik jyldary jetken jetistigi men Astana týraly jan-jaqty baıandady.
30 qańtar – Astanada Prezıdent N.Nazarbaevtyń qatysýymen ákimderdiń respýblıkalyq keńesi ótti. Jıynda táýelsizdiktiń on jylynda atqarylǵan jumystar saralanyp, ákimderge jańadan 11 túrli naqty mindet júktedi.
19 naýryz – Prezıdent Jarlyǵymen «Astananyń gúldenýi – Qazaqstannyń kórkeıýi» atty Astana qalasyn áleýmettik-ekonomıkalyq jaǵynan damytýdyń memlekettik baǵdarlamasy bekitildi.
30 naýryz – Qazaqstan Respýblıkasy Prezıdentiniń usynysymen «Bolashaq» halyqaralyq stıpendıattarynyń Qaýymdastyǵy quryldy. 26 sáýir – Ystambulda Túrki tildes memleketter basshylarynyń VII sammıti ótti. Mártebeli basqosýda Qazaqstan Prezıdenti Nursultan Nazarbaev Azııadaǵy beıbitshilik pen turaqtylyq hartııasyn ázirleýdi usyndy.
9 mamyr – Astanada «Otan qorǵaýshylar» memorıaldyq kesheni ashyldy.
13 mamyr – Esildiń oń jaǵalaýynda qaharman qolbasshy, qazaqtyń sońǵy hany – Kenesary Qasymulynyń eńseli eskertkishi ashyldy. 18 mamyr – Mońǵol dalasynda turǵan kók túrkiler kósemi Kúltegin eskertkishiniń kóshirmesi Qazaq eliniń ordasy – Astana qalasyna jetkizilip, músin L.N.Gýmılev atyndaǵy EUÝ-niń bas ǵımaratyna ornalastyryldy.
1 maýsym – Mınskide EýrAzEQ Memleketteri basshylary keńesiniń otyrysy ótti. Tóraǵa bolyp N.Á.Nazarbaev saılandy.
9 maýsym – Astanada «Atameken» Qazaqstan kartasy etnografııalyq-memorıaldyq kesheni ashyldy.
10 maýsym – Astana qalasy óziniń kezekti týǵan kún merekesin toılady. Saltanatty sharaǵa Máskeý meri Iý.Lýjkov, Dýshanbe meri M.Ýbaıdýlloev, Erevan meri R.Nazarıan, Ankara meri M.Gókchek qatysty.
19 maýsym – Astana kúni merekesiniń aıasynda TMD-nyń iri qalalary halyqaralyq assambleıasynyń V sessııasy ótti. Assambleıa quramyna kirýge tilek bildirgen Iаkýtsk, Vologda, Krasnoıarsk, Elısta, Mýrmansk, Penza sııaqty qalalardyń ótinishi biraýyzdan qabyldandy.
26 maýsym – Astanada «SOS Qazaqstan balalar qalashyǵy» ashyldy. Saltanatty jıynda sóz sóılegen Elbasy Nursultan Nazarbaev qalashyqty ashýǵa kómek bergen halyqaralyq «SOS Kinderdorf» qaıyrymdylyq qorynyń basshysy Gelmýt Kýtınge shyn júrekten alǵys aıtty.
29 maýsym – Memleket basshysy «Astana – jańa qala» arnaıy ekonomıkalyq aımaǵyn qurý týraly» Jarlyqqa qol qoıdy.
16 shilde – Prezıdent Nursultan Nazarbaev grek eliniń eń joǵary nagradalarynyń biri – Qutqarýshy ordenimen nagradtaldy.
27 tamyz – Qazaqstan Respýblıkasy táýelsizdiginiń 10 jyldyǵyna oraı Prezıdent Jarlyǵymen «Qazaqstan Respýblıkasynyń táýelsizdigine 10 jyl» merekelik medali taǵaıyndaldy. Medaldiń syrtqy betiniń joǵarǵy jaǵyna - «Qazaqstan Respýblıkasynyń táýelsizdigine 10 jyl» jazýy, al tómengi bóliginde «10 let nezavısımostı Respýblıkı Kazahstan» degen jazý ornalasqan.
22 qyrkúıek – Rım Papasy Ioann Pavel II bas qalamyzǵa ushyp keldi. Halyqaralyq áýejaıdan mártebeli meımandy Prezıdent N. Nazarbaev bastaǵan resmı adamdar kútip aldy. Qazaq dalasyna alǵash ret aıaq basqan Vatıkan memleketiniń basshysy ystyq yqylaspen qarsy alǵan qaýymǵa alǵys aıtyp, qazaq topyraǵyn súıdi. Erteńine, «Otan-Ana» eskertkishiniń aldynda 20 myńǵa jýyq adamǵa ýaǵyz aıtty.
17 qazan – Astanada «Qazaqstan jáne Nazarbaev: ózgerister qısyny» kitabynyń tanystyrý rásimi ótti.
29 qarasha – Máskeýde Qazaqstan Prezıdenti Nursultan Nazarbaev Reseı Prezıdenti Vladımır Pýtınmen kezdesip, Reseıdiń Baıqońyr ǵarysh aılaǵyn jaldaý aqysyn tóleý jónindegi kelisimge qol qoıdy.
8 jeltoqsan – Qazaqstan Respýblıkasynyń Prezıdenti N.Á. Nazarbaev pen AQSh Prezıdenti Dj.Býsh uzaq merzimdi strategııalyq seriktestikti nyǵaıtý týraly málimdemege qol qoıdy.
16 jeltoqsan – Astanada Qazaqstan Táýelsizdiginiń 10 jyldyǵyna arnalǵan saltanatty jınalys bolyp ótti. Onda Respýblıka Prezıdenti Nursultan Nazarbaev sóz sóıledi.
30 jeltoqsan – Memleket basshysynyń Jarlyǵymen Qazaqstan halqynyń densaýlyǵyn jaqsartý, densaýlyq saqtaý júıesin qoldaý jáne salamatty ómir saltyn nasıhattaý maqsatynda aldaǵy «2002 jyl – Densaýlyq saqtaý jyly» bolyp jarııalandy.
Daıyndaǵan Beken QAIRATULY,
"Egemen Qazaqstan"