Argentına birinshi dıvızıonynyń jattyqtyrýshysy Karýso Lombardı qurama kapıtany Lıonel Messıdi quramadan shettetýdi usyndy, dep jazady «Marca» basylymy.
«Messı quramadaǵy jetinshi jattyqtyrýshynyń «túbine jetti». Menińshe, ol Sampaolıdi shettetý úshin ádeıi súreńsiz oınady. Messıdi quramadan shyǵaryp jiberý kerek. Ol úshin qurama taǵdyry bes tıyn, tek bas jattyqtyrýshymen aradaǵy tartysta jeńiske jetse boldy. Lıonel árdaıym eń jaqsy oıynymen emes, ózine unaıtyn fýtbolshylarmen oınaǵandy qalaıdy», deıdi Lombardı.
Málimet úshin aıta keteıik, Messı Argentına quramasyna kelgen 2005 jyldan beri 7 bas jattyqtyrýshy aýysqan.
Domracheva sportpen qoshtastyBıatlon boıynsha tórt dúrkin Olımpıada chempıony Darıa Domracheva karerasyn aıaqtady. Bul týraly sportshynyń ózi baspasóz máslıhatynda málimdedi.
Domracheva Belarýs memleketi tarıhynda Olımpııa oıyndarynda eń kóp júlde jeńip alǵan sportshy sanalady. Onyń Olımpıadada alǵan tórt altyn, bir kúmis jáne bir qola medali bar. Sondaı-aq álem chempıonatynda eki altyn, tórt kúmis jáne bir qola júlde ıelengen.
2014 jyly Domracheva Sochı Olımpıadasynda úsh altyn medal alyp, el prezıdenti «Belarýs qaharmany» ataǵymen marapattaldy. 2018 jyly Phenchhanda ótken Olımpııa oıyndarynda mass-startta kúmis, estafeta básekesinde altyn júlde ıelengen-di.
Aıta keteıik, ol 2016 jyly norvegııalyq ataqty bıatlonshy Ýle-Eınar Berndalenmen otbasyn qurǵan. Osy jyldyń sáýir aıynda Berndalen karerasyn aıaqtaǵanyn málimdese, araǵa eki aı salyp Domracheva da úlken sportpen qosh aıtysty.
Hemılton – Gran-prı jeńimpazy«Formýla-1» avtojarysyna qatysýshy «Mersedes» klýbynyń pıloty Lıýıs Hemılton Fransııanyń Pol-Rıkar qalasynda ótken kezekti Gran-prı kezeńinde jeńimpaz atandy.
«Formýla-1» avtojarysynyń segizinshi kezeńinen keıin 145 upaı jınaǵan Hemılton jalpy esepte kósh bastady. Ekinshi orynda «Ferrarı» pıloty Sebastıan Fettel (131), úshinshi satyda «Red Býll» ókili Danıel Rıkkardo (96) keledi. Avtojarystyń kelesi kezeńi 1 shilde kúni Aýstrııada ótedi.
Aıta keteıik, bul Lıýıs Hemıltonnyń bıylǵy Gran-prı jarysyndaǵy úshinshi jeńisi. Ol buǵan deıin Qytaı jáne Ispanııada ótken kezeńde top jarǵan.
Daıyndaǵan Álı BITО́RE,
«Egemen Qazaqstan»