Onda áriptester jýrnalıstıka men baılanys salasynyń kóptegen problemalyq máselelerin qarady. Forýmǵa qatysqan oblys ákimi Arhımed Muhambetov buqaralyq aqparat quraldaryn bılik pen halyqty baılanystyrýshy kúshke balady.
Jýrnalısterdiń tynymsyz eńbeginiń arqasynda jergilikti bılik qostanaılyqtardy mazasyzdandyrǵan máselelerdi bilip, jumysty soǵan baǵyttaıdy. О́ńir basshysy oblystaǵy oqyrmandar men kórermender nazarynda bolatyn, olar ár kúni kútip otyratyn basylymdar men elektrondy buqaralyq aqparat quraldarynyń jaqsy jumysyn atap ótti. Sonymen qatar jýrnalıstıka ardageri Tatıana Bashkatova da jýrnalıster kúndelikti kezdesip oytratyn qıyndyqtar, memlekettik organdardyń aqparatty ýaqytynda berýge asyqpaıtynyn, júre qaraıtynyn tilge tıek etti.
Forýmǵa «Informbıýro.kz» agenttiginiń basshysy Mıhaıl Dorofeev pen L.Gýmılev atyndaǵy Eýrazııa ýnıversıtetiniń oqytýshysy Qanat Áýesbaı qatysyp, jýrnalıstıkanyń, medıanyń búgingi máseleleri týraly áńgimeledi. Forým sońynda oblys ákimi Arhımed Muhambetov jýrnalısterge oblys ákiminiń alǵys hatyn, gramotalaryn jáne jýrnalıster merekesine oraı ótken baıqaý jeńimpazdaryna júldeler tapsyrdy.
Medıa-forým aıasynda jýrnalısterge arnalǵan semınar ótti.
Názıra Járimbet,
«Egemen Qazaqstan»
Qostanaı